কলিয়াবৰত বীজ কেলেংকাৰী

কলিয়াবৰ কৃষি মহকুমা কাৰ্যালয়ৰ পৰা নীতি বহিৰ্ভূতভাবে মাটি মাহ আৰু মগু মাহৰ বীজ সৰবৰাহ কৰাৰ সময়তে কলিয়াবৰ আৰক্ষীয়ে আটক কৰে বাহনখন । নিৰ্বাচনী নিষেধাজ্ঞা চলি থকাৰ সময়তে AS-o2-BC-19o5 নম্বৰৰ বাহনখন বৃহৎ পৰিমাণৰ মাটি মাহ আৰু মগু মাহৰ বীজসহ  সন্দেহজনক অৱস্থাত আটক কৰে

নগাঁও,25 এপ্ৰিলঃ কলিয়াবৰৰ কৃষি বিভাগত বীজ কেলেংকাৰী । কৃষকৰ বাবে আৱন্টিত কৃষি বীজসহ আটক বাহন ৷ কলিয়াবৰ কৃষি মহকুমা কাৰ্যালয়ৰ পৰা নীতি বহিৰ্ভূতভাবে মাটি মাহ আৰু মগু মাহৰ বীজ সৰবৰাহ কৰাৰ সময়তে কলিয়াবৰ আৰক্ষীয়ে আটক কৰে বাহনখন । নিৰ্বাচনী নিষেধাজ্ঞা চলি থকাৰ সময়তে AS-o2-BC-19o5 নম্বৰৰ বাহনখন বৃহৎ পৰিমাণৰ মাটি মাহ আৰু মগু মাহৰ বীজসহ সন্দেহজনক অৱস্থাত আটক কৰে । মাহৰ বীজখিনি কলিয়াবৰ মহকুমা কৃষি বিষয়াৰ কাৰ্যালয়ৰ পৰা ৰূপহীহাটলৈ বিভাগীয় নথি-পত্ৰ বিহীনভাবে তথা কৃষি বিভাগৰ কোনো বিষয়া-কৰ্মচাৰী নহোৱাকৈ লৈ যোৱাত সন্দেহ ওপজে ৰাইজৰ ৷ তাৰ পাচতে অৱগত কৰে আৰক্ষীক ৷ ঘটনাস্থলীত কলিয়াবৰ আৰক্ষী উপস্থিত হৈ জব্দ কৰে বীজভৰ্তি বাহনসহ চালকজন ৷

আৰু পঢ়ক: ধান নহয় মোনে মোনে ওলাইছে পতান, কৃষকৰ আশাত চেঁচাপানী ঢালিলে কোনে ?

আনহাটে, ঘটনা সন্দৰ্ভত তদন্ত অব্যাহত ৰাখিছে কলিয়াবৰ আৰক্ষীয়ে ৷ লগতে যোগাযোগ কৰিছে কলিয়াবৰ মহকুমা কৃষি বিষয়াৰে । নিৰ্দিষ্ট সময়ত বীজ সৰবৰাহৰ উপযুক্ত নথি-পত্ৰ জমা দিব নোৱাৰিলে আৰক্ষীয়ে ৰুজু কৰিব গোচৰ ।