চামগুৰি, ২৫ নৱেম্বৰ: বিগত কেইবাদিনো ধৰি নগাঁৱৰ চামগুৰি আৰু আন কেইবাটাও স্থানতো নিতৌ চুৰিকাণ্ড সংঘটিত হৈছে । মঙলবাৰে নিশা চামগুৰিৰ বৰালী গাঁও মজলীয়া বিদ্যালয়ত চোৰে লুট-পাত চলায় । চোৰে বিদ্যালয়খনৰ কেইবাটাও সামগ্ৰী লুটি নিয়ে। লগতে বিদ্যালয়ৰ আলমিৰাৰ লকাৰ সমূহ ভাঙি গুৰুত্বপূৰ্ণ নথি-পত্রবোৰ মজিয়াতে পেলাই থৈ যায়। সম্প্ৰতি আৰক্ষীক খবৰ দিছে বিদ্যালয় কৰ্তৃপক্ষই ।
নগাঁৱৰ চামগুৰিত দিনক দিনে বৃদ্ধি পাইছে চোৰৰ উপদ্ৰৱ
সঘনাই সংঘটিত হৈ থকা চুৰিৰ ঘটনাক লৈ নিৰাপত্তাহীনতাত ভূগিছে চামগুৰিৰ ৰাইজ । সকলো দেখিও আৰক্ষীয়ে চকু মুদা কুলিৰ ভাও ধৰাৰ অভিযোগ উত্থাপন কৰিছে স্থানীয় লোকসকলে । কিয়নো নিতৌ চুৰিকাণ্ড সংঘটিত হৈ থকাৰ পিছতো আৰক্ষীয়ে সুৰক্ষা ব্যৱস্থা কটকটীয়া কৰাত কোনো গুৰুত্ব দিয়া নাই ।