নগাঁও, 7 ডিচেম্বৰঃ শক্তি বিভাগৰ তেজপুৰৰ টেষ্টিং এণ্ড কমিচন ডিভিজনৰ জেনেৰেল মেনেজাৰ প্ৰকাশ ৰঞ্জন দত্তক আটক কৰাৰ পিচতে শনিবাৰে নগাঁৱত দুৰ্নীতি নিবাৰক শাখাই অভিযান চলাই ৷ নগাঁৱৰ ডিমৰুগুৰিৰ জিতেন কুমাৰ ঢেকিয়াল ফুকনৰ নামৰ বিষয়গৰাকীৰ বাসগৃহত অভিযান চলাই দুৰ্নীতি নিবাৰক শাখাৰ দলটোৱে ।
একেটা কার্যালয়ৰে বিষয়া প্ৰকাশ ৰঞ্জক দত্তক লগত লৈ নগাঁৱৰ ডিমৰুগুৰিত উপস্থিত হয় দলটো। প্ৰায় তিনিঘন্টা জুৰি অভিযান চলাই দুৰ্নীতি নিবাৰক শাখাৰ দলটোৱে জিতেন কুমাৰ ঢেকিয়াল ফুকনক আটক কৰে ৷ লগতে বেংকৰ পাচবুকসহ বহু নথি পত্ৰও জব্দ কৰে দুৰ্নীতি নিবাৰক শাখাৰ দলটোৱে । উল্লেখ্য যে এপিডিচিএলৰ কেলেংকাৰীৰ তদন্ত কৰিবলৈ নগাঁৱত উপস্থিত হৈছিল দুৰ্নীতি নিবাৰক শাখাৰ দলটো।
লগতে পঢ়ক - সাংবাদিকক অভব্য আচৰণ কৰি ক্ষমা বিচাৰিলে বনবিষয়াই