ধিং, 27 ডিচেম্বৰ :বিতর্কিত হিন্দুত্ববাদী নেতা সত্যৰঞ্জন বৰাক উভতি ধৰিলে ধিঙৰ বিধায়ক আমিনুল ইছলামে । বিতর্কিত সত্যৰঞ্জন বৰাক 'কীট-পতংগ' আখ্যা দি সত্যৰঞ্জনৰ নামটোও উচ্চাৰণ কৰিবলৈ দ্বিধাবোধ কৰে বুলি মন্তব্য কৰিলে ধিঙৰ বিধায়ক আমিনুল ইছলামে ।
সত্যৰঞ্জন বৰাৰ বিৰুদ্ধে সৰৱ ধিঙৰ বিধায়ক আমিনুল ইছলাম এই ক্ষেত্ৰত মুখ্যমন্ত্রী সৰ্বানন্দ সোণোৱাললৈ দোষ জাপি মুখ্যমন্ত্রী গৰাকীয়ে যদিহে সত্যৰঞ্জনৰ মুখ বন্ধ কৰিব নোৱাৰে তেন্তে সৰ্বানন্দ সোণোৱালক মুখ্যমন্ত্রীৰ পদৰ পৰা পদত্যাগ কৰিবলৈ দাবী জনায় বিধায়ক গৰাকীয়ে ।
দেওবাৰে ধিঙৰ এখন দলীয় সভাত বিধায়ক আমিনুল ইছলামে বিতর্কিত সত্যৰঞ্জন বৰাৰ প্ৰসংগত বিজেপি চৰকাৰক কঠোৰ ভাষাৰে সমালোচনা কৰি এনে মন্তব্য কৰা পৰিলক্ষিত হয় ।
লগতে পঢ়ক: বিহাৰত চাইবাৰ অপৰাধীৰ ভয়াৱহ জাল
