ৰূপহীহাট,14 মাৰ্চ: ৰূপহীহাটত অসম জাতীয় পৰিষদ দলৰ ব্যাপক নিৰ্বাচনী কুচ-কাৱাজ । সহস্ৰাধিক আলিম-উলেমাৰ উপস্থিতিত ৰূপহীহাটৰ অসম জাতীয় পৰিষদ দলৰ প্ৰাৰ্থী ডা৹ শ্বফিকুল ইছলামে নিজ গৃহত আয়োজন কৰিলে বিশাল আশীৰ্বাদ সভা । উক্ত আশীৰ্বাদ সভাত উপস্থিত থাকে অসম জাতীয় পৰিষদ দলৰ কেন্দ্ৰীয় প্ৰচাৰ সম্পাদক তথা মুখপাত্ৰ জিয়াউল ইছলাম ।
সভাখনত ভাষণ প্ৰসংগত কেন্দ্ৰীয় প্ৰচাৰ সম্পাদক গৰাকীয়ে অসম জাতীয় পৰিষদ দলৰ বিভিন্ন পৰিকল্পনা তথা নিৰ্বাচনী ইছ্যু সন্দৰ্ভত কেতবোৰ তাৎপৰ্যপূৰ্ণ মন্তব্য কৰা পৰিলক্ষিত হয় । মুখপাত্ৰ জিয়াউল ইছলামে কংগ্ৰেছ, এআইইউডিএফ-ৰ লগতে বিজেপিকো সমালোচনা কৰা পৰিলক্ষিত হয় । উক্ত আশীৰ্বাদ সভাৰ অন্তত আলিম উলেমাসকলে প্ৰাৰ্থী গৰাকীক আশীৰ্বাদ প্ৰদান কৰি অসম জাতীয় পৰিষদ জিন্দাবাদ, শ্বফিকুল ইছলাম জিন্দাবাদ ধ্বনি দিয়ে ৷
লগতে পঢ়কঃজখলাবন্ধাত ভয়ংকৰ পথ দুৰ্ঘটনা
