নতুন মন্ত্ৰীসভাত অগপৰ তিনি বিধায়কে পাব মন্ত্ৰীত্ব : কেশৱ মহন্ত

অগপ দলৰ কাৰ্য‍কৰী সভাপতি কেশৱ মহন্তৰ গুৰুত্বপূৰ্ণ মন্তব‍্য, দুই-এদিনতে দূৰ হ'ব ৰাজ‍্যৰ ৰাজনৈতিক অচলাৱস্থা ৷ বিগ ব্ৰাডাৰ বিজেপিয়ে নিৰ্বাচন কৰিব ৰাজ‍্যৰ পৰৱৰ্তী মুখ‍্যমন্ত্ৰী ।

কলিয়াবৰ , 8 মে’ : বিজেপিয়েই নিৰ্বাচন কৰিব ৰাজ‍্যৰ পৰৱৰ্তী মুখ‍্যমন্ত্ৰী । অগপ দলে নতুন চৰকাৰত লাভ কৰিব তিনিগৰাকীকৈ মন্ত্ৰী ৷ এই মন্তব‍্য কলিয়াবৰৰ নৱ-নিৰ্বাচিত বিধায়ক তথা অগপ দলৰ কাৰ্য‍কৰী সভাপতি কেশৱ মহন্তৰ । কাইলৈ গুৱাহাটীত বিজেপি দলৰ বিধায়িনী দলে তেওঁলোকৰ নেতা নিৰ্বাচন কৰিলেই নতুন চৰকাৰে দুই-এদিনতে শপত গ্ৰহণ কৰিব বুলি মন্তব‍্য কৰে অগপ নেতা গৰাকীয়ে ৷

নতুন চৰকাৰত অগপ দলৰ তিনিগৰাকী মন্ত্ৰীয়ে স্থান পাব বুলিও গুৰুত্বপূৰ্ণ মন্তব‍্য মহন্তৰ। অৱশ‍্যে,মন্ত্ৰী পদ কোনে পাব এইলৈ দলে সিদ্ধান্ত ল'ব বুলি অৱগত কৰে তেওঁ ৷ কলিয়াবৰৰ মহকুমাধিপতিৰ কাৰ্য‍ালয়ত ক’ভিড সম্পৰ্কীয় এখন সভাৰ পাছত সাংবাদিকৰ আগত এই গুৰুত্বপূৰ্ণ মন্তব‍্য অগপৰ কাৰ্য‍্যকৰী সভাপতি গৰাকীৰ ।

লগতে পঢ়ক:ধেমাজিত বৌৱেকৰ ছুৰীকাঘাতত প্ৰাণ হেৰুৱালে দেওৰেকে