কলিয়াবৰ,21 মাৰ্চ: কলিয়াবৰৰ শাকমুঠীয়া চাহ বাগিচাৰ বিভিন্ন অঞ্চলত দেওবাৰে অগপৰ সমৰ্থনত হিলদল ভাঙি ওলাই আহিছে ভোটাৰ ৰাইজ । পাঁচ বছৰীয়া কাৰ্যকালত মুখ্যমন্ত্ৰী সৰ্বানন্দ সোণোৱাল নেতৃত্বাধীন চৰকাৰে চাহ বাগিচাত কৰা উন্নয়নমূলক কাম-কাজৰ প্ৰভাৱত চাহ জনগোষ্ঠীৰ লোকসকল থিয় দিছে অগপ-বিজেপি মিত্ৰজোঁটৰ প্ৰাৰ্থী কেশৱ মহন্তৰ কাষত ।
কলিয়াবৰৰ চাহ বাগিচাত কেশৱ মহন্তৰ জয় ধ্বনি
সহস্ৰাধিক পুৰুষ-মহিলা, যুৱক-যুৱতী সমৰ্থকে হাতে-হাতে অগপৰ পতাকা লৈ কেশৱ মহন্ত জিন্দাবাদ, নৰেন্দ্ৰ মোডী জিন্দাবাদ ধ্বনিৰে বাগান অঞ্চলৰ প্ৰতিগৰাকী ভোটাৰক আকৰ্ষণ কৰাৰ চেষ্টা কৰে । ঝুমুৰ নৃত্যৰ তালে-তালে অগপৰ সমৰ্থকসকলে মন্ত্ৰী কেশৱ মহন্তৰ জয় ধ্বনি দি পদযাত্ৰা কৰে ৷