বাঁহী বাদক কেশৱ পাচনী লৈ সাহাৰ্য প্ৰদান প্ৰস্তুতি পৰাশৰৰ

শনিবাৰে কলিয়াবৰৰ বাঁহী বাদক কেশৱ পাচনী ঘৰত উপস্থিত হয় অসমৰ বোলছবি আৰু নাট্যজগতৰ বলিষ্ঠ অভিনেত্ৰী প্ৰস্তুতি পৰাশৰৰ ৷ দীৰ্ঘদিন ধৰি জটিল ৰোগত আক্ৰান্ত শিল্পী গৰাকীলৈ আৰ্থিক সাহাৰ্য প্ৰদান কৰে প্ৰস্তুতিয়ে ৷

নগাঁও, 22 ফেব্ৰুৱাৰীঃ শনিবাৰে কলিয়াবৰৰ বাঁহী বাদক কেশৱ পাচনী ঘৰত উপস্থিত হয় অসমৰ বোলছবি আৰু নাট্যজগতৰ বলিষ্ঠ অভিনেত্ৰী প্ৰস্তুতি পৰাশৰ ৷ দীৰ্ঘদিন ধৰি জটিল ৰোগত আক্ৰান্ত শিল্পী গৰাকীলৈ আৰ্থিক সাহাৰ্য প্ৰদান প্ৰস্তুতিৰ ৷ কলিয়াবৰৰ বহুমুখী প্ৰতিভাৰ শিল্পীগৰাকীৰ বৃক্কৰ জটিল ৰোগত আক্ৰান্ত হোৱাৰ খবৰ শুনিয়েই কলিয়াবৰত বাহৰ পাতি থকা আবাহন থিয়েটাৰৰ তিনিদিনীয়া নাট্যৰ শনিবাৰে সামৰণি দিনটোতে প্ৰস্তুতি পৰাশৰ কেশৱ পাচনীৰ গৃহত উপস্থিত হয় ৷

আনহাতে, বিগত বছৰ কলিয়াবৰত আৱাহন থিয়েটাৰত অভিনয় কৰাৰ সময়ত কলিয়াবৰীয়া ৰইজৰ সৈতে ফাকুৱা উৎসৱৰ সময়ত হলী গীতত বাঁহী বজোৱাৰ স্মৃতি ৰোমন্থন কৰি আবেগিক হৈ পৰে অভিনেত্ৰীগৰাকী । শিল্পীগৰাকীৰ সৃষ্টিশীল কৰ্মৰাজী প্ৰত্যক্ষ কৰাৰ লগতে ৰোগীয়া দেহেৰে কেশল পাচনীৰ বাঁহীৰ সুৰত আবেগিক হৈ পৰা প্ৰস্তুতি পৰাশৰে "ফেছবুক লাইভ"ৰ জৰিয়তে সমগ্ৰ অসমবাসীক শিল্পীগৰাকীক সকলোপ্ৰকাৰে সহায়-সহযোগ আগবঢ়াবলৈ আহ্বান জনায় । পাচনীৰ চিকিৎসাৰ বাবে বিশেষ উদ্যোগ লোৱা কলিয়াবৰৰ স্থানীয় শিল্পী তথা ৰাইজক ভূয়সী প্ৰসংশা কৰে ।

উল্লেখ্য যে, অভিনেত্ৰীগৰাকীক কেশৱ পাচনীয়ে এখন ফুলাম গামোছাৰে আদৰণি জনোৱাৰ লগতে স্ব-ৰচিত এটি কবিতাও পাঠ কৰি শুনাই । বৃক্কৰ জটিল ৰোগত আক্ৰান্ত কেশৱ পাচনীৰ আশু-আৰোগ্য কামনা কৰে প্ৰস্তুতি পৰাশৰে । শিল্পীগৰাকীয়ে সৃষ্টিশীল কৰ্ম আগবঢ়াই নিব বুলিও আশা প্ৰকাশ কৰে অভিনেত্ৰী গৰাকীয়ে ।

আৰু পঢ়কঃ ধুবুৰীত অভিলাসী আঁচনিৰ শুভাৰম্ভণী