গেৰুৱা বসন পিন্ধিয়ে ওলোটা খৰ অভিনেতা নয়ন নিৰ্বানৰ

বিজেপিত যোগদান অভিনেতা নয়ন নিৰ্বান ৷ মঙলবাৰে বটদ্ৰৱা সমষ্টিত এক সভাত গেৰুৱা দলটোত যোগদান কৰে অভিনেতা গৰাকীয়ে ৷

নগাঁও, 9 ফেব্ৰুৱাৰী :অসমৰ শিল্পীয়ে আবেগিক হৈ 'কা' বিৰোধী আন্দোলনত অংশগ্ৰহণ কৰিছিল ৷ কিয়নো অসমৰ শিল্পী সকলক আবেগিক ৷ এই মন্তব্য অভিনেতা নয়ন নিৰ্বানৰ ৷ মঙলবাৰে বিজেপিত যোগদান কৰি এই মন্তব্য প্ৰদান কৰে অভিনেতা গৰাকীয়ে ৷

বটদ্ৰৱাত বিজেপিৰ যোগদান সভা

উল্লেখ্য যে, বটদ্ৰৱা সমষ্টিত বিধায়িকা আঙুৰলতা ডেকাৰ উপস্থিতিত কংগ্ৰেছ ত্যাগ কৰি বিজেপিত যোগদান কৰে অভিনেতা গৰাকীয়ে ৷ ইফালে, যোগদান সমাৰোহত তেওঁ কয় যে, বিজেপিয়েহে অসমৰ কলা-সংস্কৃতি জীয়াই ৰাখিব পাৰিব ৷ লগতে, বিজেপিয়ে কৰা উন্নয়নৰ প্ৰতি আকৃষ্ট হৈ তেওঁ বিজেপিত যোগদান কৰা বুলি মন্তব্য কৰে ৷

বটদ্ৰৱাত বিজেপিৰ যোগদান সভা

আনহাতে, উক্ত যোগদান সমাৰোহত অভিনেতা নয়ন নিৰ্বানৰ লগতে বিপুল বৰা, অবিনাশ দাস, ভাৰতী কলিতাৰ লগতে শতাধিক কংগ্ৰেছী নেতা-কৰ্মীয়েও যোগদান কৰে বিজেপি দলত । বটদ্ৰৱা সমষ্টিৰ দলংঘাটত এখনি যোগদান সভাত বিজেপিত যোগদান কৰা অভিনেতাসকলক আদৰণি জনাই বিধায়িকা আঙুৰলতা ডেকাই ।

লগতে পঢ়ক :গুৱাহাটীত অসম প্ৰদেশ কংগ্ৰেছৰ ইস্তাহাৰ সমিতিৰ সংবাদমেল