কলিয়াবৰত ডাম্পাৰৰ খুন্দাত শ্ৰমিক নিহত

কলিয়াবৰৰ বৰঘূলীত শোকাবহ দুৰ্ঘটনা ৷ ডাম্পাৰৰ খুন্দাত নিহত শ্ৰমিক ৷ ডাম্পাৰখন পাছলৈ নি থকা অৱস্থাত চকাৰ তলত সোমাই যোৱাৰ ফলতে থিতাতে নিহত হয় শ্ৰমিক গৰাকী ৷

কলিয়াবৰ, 6 মাৰ্চ:শনিবাৰে কলিয়াবৰৰ বৰঘূলীত সংঘটিত এক শোকাবহ দুৰ্ঘটনাত এগৰাকী শ্ৰমিকে থিতাতে প্ৰাণ হেৰুৱায় ৷ এখন ডাম্পাৰৰ খুন্দাত দুই নং বৰঘূলীৰ আহমদ আলী নামৰ শ্ৰমিকজন নিহত হয় ৷ প্ৰাপ্ত তথ্য অনুসৰি,কলিয়াবৰৰ ব্ৰহ্মপুত্ৰৰ পাৰৰ বৰঘূলী কৃষি বান্ধ নিৰ্মাণ কাৰ্যত ব্যৱহৃত তপন মেধিৰ মালিকানাধীন ঠিকাদাৰ প্ৰতিষ্ঠানৰ এখন ডাম্পাৰৰ খুন্দাত শ্ৰমিকজন নিহত হয় ৷

এখন ডাম্পাৰৰ খুন্দাত শ্ৰমিকজন নিহত হয়

প্ৰত্যক্ষদৰ্শীয়ে জানিবলৈ দিয়া মতে, এ. এচ. ০২ এ. চি. ৭৫২১ নম্বৰৰ ডাম্পাৰখনৰ চালকজনে ডাম্পাৰখনে পাছলৈ ঘূৰাই থকা অৱস্থাত ডাম্পাৰখনৰ পাছফালে ৰৈ থকা শ্ৰমিকগৰাকী চকাৰ তলত সোমাই যায় ৷ ডাম্পাৰৰ চকা শ্ৰমিক গৰাকীৰ মূৰৰ ওপৰত উঠি যোৱাৰ ফলতেই শ্ৰমিক গৰাকী থিতাতে নিহত হয় ৷ চুলুং আৰক্ষী ঘটনাস্থলীত উপস্থিত হৈ বিভাগীয় তদন্ত আৰম্ভ কৰিছে বুলি জানিব পৰা গৈছে ৷

লগতে পঢ়ক:কুইপ'ৰ দুই অপহৃত বিষয়াক অতি শীঘ্ৰে মুক্তি