চামগুৰি, ৭ ফেব্ৰুৱাৰী: প্ৰধানমন্ত্ৰীৰ আগমনক লৈ দেওবাৰে পুৱাৰে পৰা ৰাজ্যৰ ভিন্ন স্থানত অব্যাহত আছে প্ৰতিবাদ । চাহ জনগোষ্ঠী ৰাইজক বিজেপি চৰকাৰে কৰা চৰম প্ৰতাৰণাৰ বিৰুদ্ধে ক্ষোভ প্ৰাকশ কৰিছে আটছাই । দেওবাৰে নগাঁও জিলা চাহ জনজাতি ছাত্ৰ সন্থাই প্ৰতিবাদী কাৰ্যসূচী ৰূপায়ণ কৰে । জিলাখনৰ চামগুৰিৰ আমনি তিনিআলিত অৰ্ধশতাধিক আটছাৰ নেতা-কৰ্মীয়ে মোদীৰ প্ৰতিকৃতি দাহ কৰি তীব্ৰ প্ৰতিবাদ সাব্যস্ত কৰে ।
প্ৰধানমন্ত্ৰীৰ আগমনক লৈ নগাঁৱত তীব্ৰ প্ৰতিবাদ আটছাৰ
আটছাৰ সদস্যসকলে সৰ্বানন্দ সোণোৱাল মুৰ্দাবাদ, সৰ্বানন্দ সোণোৱাল হুচিয়াৰ, আটছা জিন্দাবাদ, চাহ শ্ৰমিক ৰাইজক ৩৫১ টকা হাজিৰা প্ৰদান কৰক, চাহ-শ্ৰমিক ৰাইজক প্ৰাপ্য হাজিৰা দিব নোৱাৰা বিজেপি চৰকাৰ হুচিয়াৰ, বিজেপি গ’ বেক, পল্লৱ লোচন গ’ বেক, হিমন্ত বিশ্ব শৰ্মা হায় হায়, নৰেন্দ্ৰ মোডী হায় হায় আদি বিভিন্ন শ্ল’গানেৰে ৰাজপথ উত্তাল কৰি তোলে ।