কলিয়াবৰ,19 মে': যি সময়ত নিবনুৱা যুৱক-যুৱতীয়ে লক ডাউনৰ বাবে ঘৰতে বহি সময় অতিবাহিত কৰিছে, ঠিক সেই সময়তে কলিয়াবৰৰ এগৰাকী শিক্ষিত যুৱতীয়ে দেখুৱাইছে আন এক নিদৰ্শন ৷ অলিস্মিতা শইকীয়া নামৰ যুৱতীগৰাকীয়ে সামাজিক মাধ্যমক বাছি লৈছে উপাৰ্জনৰ মূল আহিলা হিচাপে ৷ যুৱতী গৰাকীয়ে তাঁতশালত কাপোৰ বৈ ফেচবুক, ইনষ্টাগ্ৰামৰ জৰিয়তে আৰম্ভ কৰিছে ব্যৱসায় ৷
সামাজিক মাধ্যমেৰে স্বাৱলম্বিতাৰ পথ দেখুৱাইছে এগৰাকী যুৱতীয়ে
যুৱতীগৰাকীয়ে "উৰ্মিকা-Handmade Art & Craft" নামেৰে এক থলুৱা ব্যৱসায় আৰম্ভ কৰিছে ৷ নিজ হাতে চাদৰ-মেখেলা ডিজাইন কৰাৰ লগতে তাঁতশালত গামোচা আৰু হাতেৰে বাঁহৰ সামগ্ৰী বনোৱাৰ লগতে বিভিন্ন থলুৱা সামগ্ৰী সাজি সামাজিক মাধ্যমৰ যোগেদি নগাঁও, যোৰহাট, গুৱাহাটীকে ধৰি ৰাজ্যৰ ভিন্ন প্ৰান্তত বিক্ৰী কৰি আহিছে ৷