নগাঁও, 5 ফেব্ৰুৱাৰী : শুক্ৰবাৰে দুপৰীয়া নগাঁও জিলাৰ ধিং গেটত এক ভয়ংকৰ পথ দুৰ্ঘটনা সংঘটিত হয় । ধিং গেটৰ উৰণীয়া সেঁতুৰ সমীপত এখন চাৰিচকীয়া বাহন আৰু স্কুটিৰ মাজত হোৱা সংঘৰ্ষৰ ফলত সংঘটিত হয় এই দুৰ্ঘটনা ৷ দুৰ্ঘটনাটোৰ ফলত থিতাতে নিহত হয় এজন স্কুটি আৰোহী ।
স্থানীয় লোকে সদৰি কৰাতে AS-02-U-5643 নম্বৰৰ স্কুটিখনেৰে গৈ থকা অৱস্থাত চাৰিচকীয়া বাহনৰ খুন্দাত থিতাতে নিহত হয় নগাঁৱৰ জাজৰিৰ নেকিবোৰ ৰহমান নামৰ এজন লোক । দুৰ্ঘটনা সংঘটিত কৰিয়েই চাৰিচকীয়া বাহনখন পলায়ন কৰে বুলি জানিবলৈ দিছে স্থানীয় লোকে ।