কামপুৰত নিশা শোকাৱহ পথ দুৰ্ঘটনা: নিহত এজন

যোৱা নিশা শোকাৱহ এক পথ দুৰ্ঘটনাই জোকাৰি গ'ল নগাঁও জিলাৰ কামপুৰ কাকতি গাঁৱক ৷ স্থানীয় লোকে সদৰি কৰা মতে এখন খেৰ ভৰ্তি ট্ৰেক্টৰৰ পৰা পৰি এজন লোক নিহত হয় দুৰ্ঘটনাত।

বঢ়মপুৰ, 30 ডিচেম্বৰ : নগাঁও জিলাৰ কামপুৰ কাকতি গাঁৱত যোৱা নিশা এক শোকাৱহ পথ দুৰ্ঘটনা সংঘটিত হয় । স্থানীয় লোকে সদৰি কৰা মতে এখন খেৰ ভৰ্তি ট্ৰেক্টৰৰ পৰা পৰি এজন লোক নিহত হয় । নিহত লোকজন ৰহাৰ হাৰিয়ামুখৰ কেশৱ মুদৈ বুলি জানিবলৈ দিছে স্থানীয় লোকে ।

উক্ত দুৰ্ঘটনা বিৱৰণী অনুসৰি সন্মুখৰ পৰা অহা এখন গাড়ীক বাট এৰি দিবলৈ গৈ খাৱৈত সোমাই যায় খেৰ ভৰ্তি ট্ৰেক্টৰ খন ৷ ইয়াৰ পিচতেই স্থানীয়লোকে কামপুৰ আৰক্ষীক খবৰ দিয়াত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰে ।

লগতে পঢ়ক:যোৰাবাটত বৃহৎ পৰিমাণৰ ড্ৰাগছসহ গ্ৰেপ্তাৰ তিনি সৰবৰাহকাৰী