কলিয়াবৰত উদ্ধাৰ লুপ্তপ্ৰায় ধনেশ পক্ষী

কলিয়াবৰত আহত অৱস্থাত উদ্ধাৰ লুপ্তপ্ৰায় ধনেশ পক্ষী ৷ উন্নত চিকিৎসাৰ বাবে প্ৰেৰণ পক্ষীটোক ৷

কলিয়াবৰ, 29 জুলাইঃ কলিয়াবৰ শিলঘাটস্থিত কামাখ্যা সংৰক্ষিত বনাঞ্চলত এটা জলাশয়ৰ পানীযুঁৱলীৰ পৰা দেওবাৰে উদ্ধাৰ কৰা হয় এটা ধনেশ পক্ষী ৷ উল্লেখযোগ্য যে, বন বিভাগে ধনেশ পক্ষীটো উদ্ধাৰ কৰাৰ সময়ত আহত অৱস্থাত আছিল ৷ প্ৰাথমিক চিকিৎসাৰ অন্তত আহত পক্ষীটোক দেওবাৰে নিশাই উন্নত চিকিৎসাৰ বাবে কাজিৰঙাৰ পাণবাৰীস্থিত বন্যপ্ৰাণী পুনৰ সংস্থাপন কেন্দ্ৰলৈ প্ৰেৰণ কৰা হয় ৷ উল্লেখযোগ্য যে, ক্ৰমাৎ লুপ্তপ্ৰায় পক্ষীৰ তালিকাত অন্তৰ্ভুক্ত হৈছে ধনেশ পক্ষী ।