কলিয়াবৰত আলৌকিক ঘটনা নিজে-নিজে জ্বলিল জুই!

কলিয়াবৰত অদ্ভূত ঘটনা ৷ নিজে নিজে জ্বলি উঠিল ঘৰৰ কাপোৰ ৷ সন্ত্ৰস্ত গৃহস্থৰ লগতে ন-পূৱথৰীয়াৰ গাঁওবাসী ৷

কলিয়াবৰ 28 জুলাইঃকলিয়াবৰত অদ্ভূত ঘটনা ৷ নিজে নিজে জ্বলি উঠিল ঘৰৰ কাপোৰ ৷ সন্ত্ৰস্ত গৃহস্থৰ লগতে ন-পূৱথৰীয়াৰ গাঁওবাসী ৷ শনিবাৰে প্ৰায় দিনৰ 11 বজাত ন-পূৱথৰীয়া গাঁৱৰ বাসিন্দা টঙ্ক বৰাৰ ঘৰত হঠাৎ বিচনাৰ লেপত জুই লাগে। প্ৰথমে কিবা বিজুতিত এনে ঘটনা হৈছিল বুলি ধাৰণা কৰা হৈছিল যদিও পিচত ঘৰৰ ভিতৰত থকা তুলি-কম্বল, বিচনা চাদৰ, টেবুলৰ কিতাপ-পত্ৰটো জুই লাগিবলৈ আৰম্ভ কৰে। আনকি স্নান গৃহৰ তিতা কাপোৰতো জুই লগা প্ৰত‍্যক্ষ কৰে গৃহস্থই ৷ ওচৰ চুবুৰীয়াই টঙ্ক বৰাৰ ঘৰত হুলস্থুল শুনি ওলাই আহি এনে আশ্চৰ্য‍্যকৰ কাণ্ড দেখি হত-বম্ব হৈ পৰে। স্থানীয় ৰাইজে পানী ঢালি জুই নুমুৱাবলৈ চেষ্টা অব‍্যাহত ৰাখে যদিও বিয়ালিলৈকে এনে ঘটনা সংঘটিত হৈয়ে থাকে ৷ আৰক্ষীক খবৰ দিয়াৰ পিচত বিষয়টোৰ ওপৰত তদন্ত অব‍্যাহত ৰাখিছে।