Government school in Nagaon: নগাঁৱৰ এখন চৰকাৰী বিদ্যালয়ে দৃষ্টি আকৰ্ষণ কৰিছে সকলোৰে

ব্যক্তিগত খণ্ডৰ বিদ্যালয়ক চেৰ পেলোৱা এখন চৰকাৰী বিদ্যালয় (Government run school attract students in Nagaon) ৷ বিদ্যালয়খনত প্ৰতি বছৰেই বৃদ্ধি হৈছে ছাত্ৰ-ছাত্ৰীৰ সংখ্যা ৷ সন্তানৰ বাবে অভিভাৱকৰ পছন্দৰ বিদ্যালয় এইখন ৷ ব্যক্তিগত খণ্ডৰ বিদ্যালয়ৰ পৰা নাম কৰ্তন কৰি বহু শিক্ষাৰ্থীৰ নাম ভৰ্তি কৰা হৈছে চৰকাৰী বিদ্যালয়খনত ৷ এইখন বিদ্যালয়ৰ নাম শিমলুগুৰি প্ৰাথমিক বিদ্যালয় ৷

নগাঁও, 20 জানুৱাৰী: অতি পৰিষ্কাৰ, পৰিচ্ছন্ন চৌহদেৰে পৰিবেষ্টিত এখন চৰকাৰী বিদ্যালয় । ব্যক্তিগত খণ্ডৰ বিদ্যালয়ৰ দৰেই এক সুন্দৰ পৰিবেশ গঢ়ি তোলা হৈছে চৰকাৰী খণ্ডৰ এইখন শিমলুগুৰি প্ৰাথমিক বিদ্যালয়ত । কেৱল পৰিষ্কাৰ পৰিচ্ছন্নতাই নহয়, বিদ্যালয়খনৰ শৈক্ষিক ক্ষেত্ৰখনো গঢ়ি উঠিছে ব্যক্তিগত খণ্ডৰ শিক্ষানুষ্ঠানৰ সৈতে ফেৰ মাৰিব পৰাকৈ (Government run school attract students in Nagaon) । যাৰ বাবে চৰকাৰী খণ্ডৰ এই বিদ্যালয়খনত প্ৰতি বছৰেই বৃদ্ধি হৈছে ছাত্ৰ-ছাত্ৰীৰ সংখ্যা । বিদ্যালয়খনৰ সামগ্ৰিক পৰিবেশত আকৃষ্ট বহু অভিভাৱকে নিজৰ সন্তানক ব্যক্তিগত খণ্ডৰ বিদ্যালয়ৰ পৰা নাম কৰ্তন কৰি নাম ভৰ্তি কৰাইছে এইখন শিমলুগুৰি প্ৰাথমিক বিদ্যালয়ত ।

উল্লেখযোগ্য যে, ১৯৫৬ চনত স্থাপন হোৱা এইখন শিমলুগুৰি প্ৰাথমিক বিদ্যালয়ত ছাত্ৰ ছাত্ৰীৰ সংখ্যা ৪১৫ জনলৈ বৃদ্ধি পাইছে । ইপিনে বৃহস্পতিবাৰৰ পৰা আৰম্ভ হোৱা গুণোৎসৱত অংশগ্ৰহণ কৰা নিৰীক্ষকো আপ্লুত হৈ পৰে বিদ্যালয়খনৰ পৰিবেশ পৰ্যবেক্ষণ কৰি (Gunotshav 2023 in Assam) । জিলাখনৰ মুঠ ২১২৮ খন বিদ্যালয়ত আৰম্ভ হোৱা গুণোৎসৱৰ সমান্তৰালকৈ নগাঁৱৰ খাগৰিজান প্ৰাথমিক শিক্ষা খণ্ডৰ অধীনৰ এইখন শিমলুগুৰি প্ৰাথমিক বিদ্যালয়ৰো বহি মূল্যায়ন সম্পন্ন হয় । বিদ্যালয়খনৰ গুণোৎসৱত নিৰীক্ষক ৰূপে থাকে নগাঁও গোপীনাথ দেৱগোস্বামী বাণিজ্যি মহাবিদ্যালয়ৰ প্ৰৱক্তা ড৹ জোনালী শৰ্মা আৰু কটহগুহি মহাবিদ্যালয়ৰ সহকাৰী প্ৰবক্তা অশ্ৰুমণি ডেকা ।

লগতে পঢ়ক:Ghy Electricity Connection: হ’ল্ডিং নম্বৰ অবিহনে গুৱাহাটীত লাভ নকৰিব বিদ্যুৎ সেৱা

ইপিনে, নগাঁও জিলাৰ ছটা শিক্ষা খণ্ডৰ সৰ্বমুঠ ২১২৮ খনকৈ চৰকাৰী খণ্ডৰ বিদ্যালয়ত বৃহস্পতিবাৰৰ পৰা আৰম্ভ হোৱা গুণোৎসৱৰ প্ৰথম দিনা স্ব-মূল্যায়ন কাৰ্যসূচী ৰূপায়ণ কৰাৰ পিছত শুকুৰবাৰৰ পৰা বিদ্যালয়সমুহত মূল্যায়ন প্ৰক্ৰিয়া আৰম্ভ হয় । জিলাখনৰ বটদ্ৰৱা শিক্ষা খণ্ডৰ অন্তৰ্গত মুঠ ২৬৭খন বিদ্যালয়ত আছে ৩৭,৬০৭ গৰাকী ছাত্ৰ-ছাত্ৰী ৷ জুৰীয়া শিক্ষা খণ্ডৰ ২৫০ খন বিদ্যালয়ত আছে ৪৫,৯৩১ গৰাকী ছাত্ৰ-ছাত্ৰী, কলিয়াবৰ শিক্ষা খণ্ডৰ ২২৩খন বিদ্যালয়ত আছে ২৭,৫৩৬ গৰাকী ছাত্ৰ-ছাত্ৰী (Gunotshav in Nagaon)৷

একেদৰে কপিলী শিক্ষা খণ্ডৰ ২৬৩ খন বিদ্যালয়ত ছাত্ৰ-ছাত্ৰী আছে ২৬,০৫৬ গৰাকী, কঠিয়াতলী শিক্ষা খণ্ডৰ ৩৩০খন বিদ্যালয়ত আছে ৩৭,৯৫০ গৰাকী ছাত্ৰ-ছাত্ৰী, খাগৰিজান শিক্ষা খণ্ডৰ ২২৬ খন বিদ্যালয়ত আছে ২৬,৮৯৯ গৰাকী ছাত্ৰ-ছাত্ৰী, লাওখোৱা শিক্ষা খণ্ডৰ ২৩৮ খন বিদ্যালয়ত ৩৪,০৩১ গৰাকী ছাত্ৰ-ছাত্ৰী, ৰূপহী শিক্ষা খণ্ডৰ ২৭০খন বিদ্যালয়ত ৩৩,৭৫৫ গৰাকী ছাত্ৰ-ছাত্ৰী আৰু নগাঁও সদৰ শিক্ষা খণ্ডৰ ৬১খন বিদ্যালয়ৰ ১৫,৬৪৫ গৰাকী ছাত্ৰ-ছাত্ৰী আছে (Nagaon government school news) ৷

এইসকল ছাত্ৰ-ছাত্ৰীৰ মাজত অনুষ্ঠিত হয় গুণোৎসৱৰ মূল্যায়ন পৰীক্ষা । এই সমগ্ৰ গুণোৎসৱৰ কাৰ্যসূচী সমুহ ৰূপায়ণৰ বাবে জিলাখনত মুঠ ২১২৮ গৰাকী নডেল শিক্ষক নিয়োগ কৰা হৈছে । তদুপৰি ৯৫১ গৰাকী বহিঃমূল্যায়নকাৰী বিষয়া আৰু ২৩৪ গৰাকী জ’ন অফিচাৰ নিয়োজিত কৰিছে জিলা শিক্ষা বিভাগে । ব্যক্তিগত খণ্ডৰ বিদ্যালয়ৰ জয় জয় ময় ময় হৈ থকা সময়তে এখন চৰকাৰী বিদ্যালয়ে এইদৰে শিক্ষাৰ্থী আৰু অভিভাৱকক আকৰ্ষিত কৰিব পৰাতো শুভলক্ষণ ৷

চৰকাৰী বিদ্যালয় সমূহৰ অৱস্থা শিমলুগুৰি প্ৰাথমিক বিদ্যালয়ৰ দৰেই উন্নত হ’লে শিক্ষাৰ পৰা বঞ্চিত হ’ব নালাগিব কোনো শিশু ৷ কিয়নো সকলো অভিভাৱকৰে সন্তানক ব্যক্তিগত বিদ্যালয়ত পঢ়ুওৱাৰ শক্তি-সামৰ্থ নাথাকে৷ তেনে শিশুৰ বাবে চৰকাৰী বিদ্যালয়েই একমাত্ৰ সম্বল ৷ সেয়ে চৰকাৰী বিদ্যালয়সমূহ উন্নত হ’লে ব্যক্তিগত বিদ্যালয়ৰ শিক্ষাৰ্থীৰ দৰেই শিক্ষা লাভ কৰিব পাৰিব এইসমূহ বিদ্যালয়ত ৷

লগতে পঢ়ক:ULFA KLO treaty: আলফা-কেএলঅ’ৰ 22 বছৰ পুৰণি চুক্তিৰ বিষয়ে কি ক’লে অনুপ চেতিয়াই