মৰিগাঁৱত নগদ ধন সহ এজন ড্ৰাগছ সৰবৰাহকাৰীক আটক

মৰিগাঁও জিলাৰ লাহৰীগাট আৰক্ষীৰ এক অভিযানত পুনৰ এটা ড্ৰাগছ সৰবৰাহকাৰীক আটক কৰা হয় ৷ ধৃত ড্ৰাগছ সৰবৰাহকাৰীটোৰ পৰা নগদ ধন সহ বৃহৎ পৰিমাণৰ ড্ৰাগছ জব্দ কৰা হয় ৷

মৰিগাঁও, 14 জুন : ৰাজ্যত অব্যাহত আছে ড্ৰাগছ বিৰোধী অভিযান ৷ মৰিগাঁও জিলাৰ লাহৰীগাট আৰক্ষীৰ এক অভিযানত পুনৰ নগদ ধন সহ এজন ড্ৰাগছ সৰবৰাহকাৰীক আটক কৰা হয় ৷ ধৃত ড্ৰাগছ সৰবৰাহকাৰীজনৰ নাম নজৰুল ইছলাম ।

লাহৰিঘাট আৰক্ষীয়ে সদৰি কৰা মতে, এক অভিযান চলাই বগলীপাৰা গাঁৱৰ পৰা আৰক্ষীয়ে আটক কৰে ধৃত ড্ৰাগছ সৰবৰাহকাৰী নজৰুল ইছলামক ৷ সৰবৰাহকাৰীজনৰ পৰা 5 টা হেৰ'ইন ভৰ্তি কণ্টেইনাৰ, 1 টা খালি কণ্টেইনাৰ, 23 টা নিচা জাতীয় টেবলেট আৰু নগদ 25 হাজাৰ টকা জব্দ কৰে লাহৰিঘাট আৰক্ষীয়ে ৷ বৰ্তমান এক গোচৰ ৰুজু কৰি অধিক তথ্যৰ সন্ধানত নজৰুল ইছলামক জেৰা অব্যাহত ৰাখিছে লাহৰিঘাট আৰক্ষীয়ে ৷

লগতে পঢ়ক: SSRক স্মৰণ: মৃত্যু বাৰ্ষিকীত ব্যতিক্ৰমী ছবিৰে শ্ৰদ্ধাঞ্জলি চিৰাঙৰ যুৱকৰ