পুৱা 9 বজাৰ শীৰ্ষ বাতৰি...

পুৱা 9 বজাৰ শীৰ্ষ বাতৰি...

সঁচাই বিজেপিলৈ যাব নেকি থাওৰাৰ বিধায়ক সুশান্ত বৰগোহাঁই ৷ চচিয়েল মিডিয়াত সৰৱ চৰ্চা হোৱা বিষয়টো সন্দৰ্ভত কৌশলী স্থিতি বিধায়কজনৰ ৷

হিতাধিকাৰিক নতুন ৰেচন কাৰ্ড (RATION CARD) প্ৰদানৰ বাবদ ১৫০, ৩৫০ ৰ পৰা ৫০০ টকা পৰ্যন্ত ধন দাবীৰ অভিযোগ উঠিছে এজেণ্ট ৰাম প্ৰসাদ ৰাওৰ বিৰুদ্ধে ।

কাছাৰ-মিজোৰাম সীমান্তৱৰ্তী অঞ্চলৰ ধলাইত পুনৰ মিজোৰ আগ্ৰাসন ৷ আতংকত ঘৰ-বাৰী এৰি পলায়ন কৰিছে সীমন্তবাসী ৰাইজে ৷

ৰঙিয়া ষ্টেচনত তহলদাৰী আৰপিএফে মানৱ সৰবৰাহকাৰীৰ কবলৰ পৰা ৪ গৰাকী কিশোৰী আৰু ২ টা কিশোৰসহ মুঠ ১৫ গৰাকী কিশোৰ-কিশোৰীক উদ্ধাৰ কৰিবলৈ সক্ষম হৈছে ৷

আধাৰশিলা স্থাপনৰ পাচত নিৰ্মাণ সম্পূৰ্ণ নোহোৱাকৈ প্ৰকল্প পৰি ৰোৱাতো সাধাৰণ কথাত পৰিণত হৈছে ৷ তেনেদৰেই এই চুইমিং পুলটোও নিৰ্মাণ হ’ল ঠিকেই, ব্যৱহাৰ পিচে নহ’ল ৷ সেয়ে এতিয়া পৰিণত হৈছে সাপ-ভেকুলীৰ বাসস্থানত ৷

অপৰাধ শাখাৰ এক সূত্ৰই জনোৱা মতে অহা আগষ্ট মাহৰ প্ৰথম সপ্তাহতে দিল্লী আৰক্ষীয়ে গোচৰটো সন্দৰ্ভত অভিযোগ পত্ৰ দাখিল কৰাৰ পূৰ্ণ সম্ভাৱনা আছে । হত্যাকাণ্ডৰ অভিযুক্ত সকলৰ ভিতৰত আছে মল্লযোদ্ধা সুশীল কুমাৰ ।

মঙলবাৰে হায়দৰাবাদৰ কাঞ্চনবাগ গোটৰ পৰা MRSAMৰ প্ৰথমটো ফায়াৰিং গোটৰ প্ৰথমটো মিছাইল উদ্বোধন কৰে ভাৰত ডাইনামিক্স লিমিটেডে(Bharat Dynamics Ltd) । ভাৰতীয় বায়ু সেনাক প্ৰদান কৰাৰ বাবে এই এয়াৰ মিছাইল প্ৰস্তুত কৰা হৈছে ।

বৃহস্পতিবাৰে বিদ্ৰোহী সংগঠন নেচনেল লিবাৰেচন ফ্ৰণ্ট অৱ বড়োলেণ্ড (National Liberation Front of Boroland)ৰ মুৰব্বী এম বাথা(M Batha)ই আত্মসমৰ্পণ কৰাৰ সম্ভাৱনা প্ৰকাশ পাইছে ৷ সতীৰ্থ কেডাৰসহ ওদালগুৰি জিলাৰ অসম অৰুণাচল প্ৰদেশৰ সীমান্ত হৈ অসমত প্ৰৱেশ কৰিব বিদ্ৰোহী নেতা গৰাকীয়ে ৷

চৰকাৰী আঁচনিত ধনৰ কেলেংকাৰী সংঘটিত হোৱাটো সাম্প্ৰতিক সময়ত এক চিৰাচৰিত ঘটনা হৈ পৰিছে ৷ কিন্তু আঁচনিৰ ধন আত্মসাৎ কৰাৰ পাছত পুনৰ ঘূৰাই দিয়া ৷ এই বিৰল ঘটনা সংঘটিত হৈছে কলীয়াপানী উন্নয়ন খণ্ডৰ অধীনস্থ ১ নং চিন্তামণিগড় গাঁও পঞ্চায়তত ৷

বুধবাৰে গুৱাহাটী বিশ্ববিদ্যালয় (Guwahati University)ৰ ৰাজনীতি বিজ্ঞান বিভাগৰ অধ্যাপক তথা বিশিষ্ট লেখক ড৹ ননীগোপাল মহন্তৰ ‘Citizenship Debate over NRC & CAA : Assam and The Politics of History’ শীৰ্ষক এখন গৱেষণাধৰ্মী গ্ৰন্থ উন্মোচন কৰে RSS প্ৰধান মোহন ভাগৱতে (Mohan Bhagwat) ৷