9 বজাৰ শীৰ্ষ 10 টা বাতৰি...

9 বজাৰ শীৰ্ষ 10 টা বাতৰি...

ভাৰতৰ সৰ্বোচ্চ অসামৰিক সন্মান পদ্ম বঁটা । গণৰাজ্য দিৱসৰ প্ৰাক্ মূহুৰ্তত কেন্দ্ৰীয় চৰকাৰৰ গৃহ মন্ত্ৰণালয়ে প্ৰকাশ কৰিলে দেশৰ পদ্ম বিভূষণ, পদ্মভূষণ আৰু পদ্মশ্ৰী বঁটা প্ৰাপক সকলৰ নামৰ তালিকা (Padma awards announced) ৷ দেশৰ চাৰিগৰাকী লোকক এইবাৰ পদ্মবিভূষণ সন্মানেৰে সম্মানিত কৰা হৈছে (4 padma vibhushan)। কলাৰ ক্ষেত্ৰখনত আগবঢ়োৱা অৱদানৰ বাবে মিছ প্ৰভা আত্ৰেক পদ্ম বিভূষণ বঁটা প্ৰদান কৰা হৈছে । সাহিত্য আৰু শিক্ষাৰ ক্ষেত্ৰত আগবঢ়োৱা অৱদানৰ বাবে ৰাধেশ্যাম খেমকালৈ আগবঢ়োৱা হৈছে পদ্ম বিভূষণৰ সন্মান । প্ৰয়াত সেনা বিষয়া জেনেৰেল বিপিন ৰাৱাটক মৰণোত্তৰভাৱে প্ৰদান কৰা হ'ব পদ্মবিভূষণ । জেনেৰেল ৰাৱাট আছিল ভাৰতীয় সেনাৰ প্ৰথম গৰাকী সৰ্বাধিনায়ক ।

গণৰাজ্য দিৱসৰ পেৰেডত অসমে বীৰাংগনা কনকলতা বৰুৱাক মুখ্য কৰি স্বাধীনতা আন্দোলনত অসম আৰু অসমীয়াৰ পটভূমি উপস্থাপন কৰাৰ সুযোগ লাভ কৰিছিল যদিও চৰকাৰৰ উদাসীনতাৰ বাবেই প্ৰদর্শনত ব্যর্থ হ’ল অসমৰ প্ৰতীকপট (The tableaux of assam in Republic Day) ৷ প্ৰয়োজনীয় প্ৰায় ৫০ লাখ টকাৰ পুঁজি বিত্ত বিভাগে মোকলাই দিব নোৱৰাৰ বাবেই সময় মতে কেন্দ্ৰীয় প্ৰতিৰক্ষা মন্ত্ৰণালয়ৰ ওচৰত প্ৰতীকপটৰ প্ৰস্তাৱ দাখিল কৰাত ব্যর্থ হয় অসম চৰকাৰৰ সাংস্কৃতিক পৰিক্ৰমা বিভাগ ৷

অসম সন্তান তথা ভাৰতীয় সেনাৰ লেফটেনেন্ট জেনেৰেল ৰাণা প্ৰতাপ কলিতাই ভাৰতীয় সেনাৰ ইষ্টাৰ্ণ কমাণ্ডৰ GOC-in-Chief ৰ দায়িত্ব গ্ৰহণ কৰিছে ৷ এই পদত অধিষ্ঠিত হোৱা উত্তৰ-পূবৰ তেওঁ প্ৰথমজন সেনা বিষয়া ৷

‘‘নিৰীহ জনতাৰ কাৰণে আৰক্ষী সাৰথি হ’ব লাগিব । অপৰাধীৰ কাৰণে ভয়ৰ কাৰণ হ’ব লাগিব আৰক্ষী । মোৰ শাসনকালত পুলিচ মিলিটাৰীৰাজ চলিব । জুই জ্বলিছে জ্বলিবই, চলিছে চলিবই’’- এই মন্তব্য মুখ্যমন্ত্ৰী ড৹ হিমন্ত বিশ্ব শৰ্মাৰ (In my reign there will be police military raj, says cm Himanta Biswa Sarma)।

ত্ৰিপুৰাৰ সীমান্তত ড্ৰাগছ, নিচাজাতীয় দ্ৰব্য, চোৰাং গৰু সৰবৰাহকাৰী আদিৰ বিৰুদ্ধে বিএছএফৰ অভিযান অব্যাহত আছে (BSF forces raid in Tripura border)। ২০২১ চনত বিএছএফয়ে ত্ৰিপুৰা সীমান্তত প্ৰায় ৩৫.৬৪ কোটি টকাৰ বৃহৎ পৰিমাণৰ নিষিদ্ধ সামগ্ৰী জব্দ কৰিবলৈ সক্ষম হৈছে আৰু অনুপ্ৰৱেশৰ চেষ্টা চলোৱা ২২১ গৰাকী লোকক আটক কৰিছে বিএছএফয়ে ।

ৰাজ্যত শেহতীয়াকৈ আৰক্ষীৰ দ্বাৰা সংঘটিত হোৱা ভূৱা এনকাউণ্টাৰৰ অভিযোগ সন্দৰ্ভত গুৱাহাটী উচ্চ ন্যায়ালয়ত মঙ্গলবাৰে গ্ৰহণ কৰা শুনানীত ৰাজ্য চৰকাৰে শপতনামা দাখিল কৰাত ব্যৰ্থ হয় (Assam govt fails to submit affidavit on encounters in HC) ৷

দেশৰ সৰ্বোচ্চ অসামৰিক বঁটাৰ অন্যতম পদ্মশ্ৰী বঁটা লাভ কৰিলে অসমৰ দুগৰাকী স্বনামধণ্যই ৷ সামাজিক ক্ষেত্ৰলৈ আগবঢ়োৱা অৱদানৰ বাবে শকুন্তলা চৌধুৰী (Shakuntala Choudhary), সাহিত্য আৰু শিক্ষাৰ ক্ষেত্ৰখনলৈ আগবঢ়োৱা অৱদানৰ বাবে ধনেশ্বৰ ইংতি (Dhaneswar Engti)লৈ পদ্মশ্ৰী সন্মান আগবঢ়োৱা হয় ।

কাজিৰঙা ৰাষ্ট্ৰীয় উদ্যানত চোৰাং চিকাৰীৰ সৈতে জড়িত থকা বিশ্বনাথৰ চগুৰি নিবাসী নবীৰ হুছেইন(32) নামৰ এটা চোৰাং চিকাৰী আৰক্ষীৰ গুলিত আহত হয় । চোৰাং চিকাৰীক প্ৰতিহত কৰিবলৈ যাওঁতে এজন আৰক্ষী জোৱানো আহত হয় । আহত আৰক্ষী জোৱানজনৰ নাম দিব্যজ্যোতি হাজৰিকা । আহত দুজনক কঁহৰা আদৰ্শ চিকিৎসালয়ত চিকিৎসা প্ৰদান কৰি উন্নত চিকিৎসাৰ বাবে যোৰহাট চিকিৎসা মহাবিদ্যালৰ চিকিৎসালয়লৈ প্ৰেৰণ কৰা হৈছে।

মুখ্যমন্ত্ৰীৰ চকীখনকহে সন্মান কৰে ভূপেন বৰাই ৷ আসনখনত বহি থকা হিমন্ত বিশ্ব শৰ্মাক সন্মান নকৰে (Bhupen Bora criticized Assam CM) ৷ ভাগিনক বুলেটৰ নামত দিলে আঠুৰ তলত বুলেট গুলী দিয়া বুলি কৈ হিমন্ত বিশ্ব শৰ্মাক বিধায়ক কিনা-বেচা কৰাৰ দালাল আখ্যা দিলে প্ৰদেশ কংগ্ৰেছৰ সভাপতিগৰাকীয়ে (Bhupen Kumar Borah criticizes cm Himanta Biswa Sarma) ৷

এইবাৰ অইলত গাড়ী নিবিদাৰ নামত ব্যাপক কেলেংকাৰীৰ অভিযোগ (Alleged scam in OIL bid) । অভিযোগত নাম সাঙোৰ খাইছে অইল ইণ্ডিয়াৰ লজিষ্টিক বিভাগৰ (scam allegation against OIL)। কমিছনৰ লোভত SML কোম্পানীক নিবিদা দিয়াৰ অভিযোগ আন কোম্পেনীৰ।