দীপাৱলীৰ সন্ধিয়া মৰিগাঁৱত সাতটাকৈ স্থানত চোৰৰ অভিযান

মৰিগাঁও অধিবক্তা কাৰ্যালয়ৰ চৌহদৰ নটাৰী কাৰ্যালয়কে ধৰি সাতটা ব্যৱসায়ীক প্ৰতিষ্ঠানত চোৰৰ লুটপাত ৷ উপায়ুক্ত কাৰ্যালয়ৰ চৌহদত থকা অধিবক্তা সন্থাৰ কাৰ্যালয়ত থকা মৃণাল ডেকাৰ নটাৰী কক্ষৰ তলা ভাগি চোৰে লুটপাট চলোৱাৰ লগতে এটা কম্পিউটাৰো চুৰি কৰি নিয়ে ৷

মৰিগাঁও, 15 নৱেম্বৰ : মৰিগাঁৱত দীপাৱলীৰ সন্ধিয়া আতচবাজীৰ শব্দৰ সুবিধা লৈ মৰিগাঁও অধিবক্তা কাৰ্যালয়ৰ চৌহদৰ নটাৰী কাৰ্যালয়কে ধৰি সাতটা ব্যৱসায়ীক প্ৰতিষ্ঠানত চোৰে লুটপাত চলায় । চোৰে মৰিগাঁও জিলা উপায়ুক্তৰ কাৰ্যালয়ৰ চৌহদত থকা অধিবক্তা সন্থাৰ কাৰ্যালয়ত থকা মৃণাল ডেকাৰ নটাৰী কক্ষৰ তলা ভাগি লুটপাট চলাই এটা কম্পিউটাৰো চুৰি কৰি নিয়ে ৷

দীপাৱলীৰ সন্ধিয়া মৰিগাঁৱত সাতস্থানত চোৰৰ অভিযান

ইয়াৰ উপৰি দুখনকৈ ভেন্দৰ, এখন হোটেল, ষ্টেচনাৰী দোকানকে ধৰি সাতখন দোকানত চোৰে লুটপাট চলাই কেছ বক্সত থকা টকা লৈ যোৱাৰ লগতে আচবাববোৰো নষ্ট কৰি থৈ যায় । চুৰি কাণ্ডৰ খবৰ লাভ কৰাৰ লগে লগে মৰিগাঁও আৰক্ষীৰ এটা দল ঘটনাস্থলীত উপস্থিত হৈ তদন্ত আৰম্ভ কৰিছে । উল্লেখ্য যে, অধিবক্তা চৌহদত নাছিল কোনো চিচিটিভি কেমেৰা । উল্লেখ্য যে, মৰিগাঁৱত একে নিশাই সংঘটিত এই চুৰি কাণ্ডই বৰ্তমান চহৰখনত প্ৰতিক্ৰিয়াৰ সৃষ্টি কৰিছে ।

লগতে পঢ়ক : নগা ভূমিৰ অখণ্ডতাকলৈ আকৌ তৎপৰ এন এছ চি এন, উত্তপ্ত হোৱাৰ আশংকা মনিপুৰ !