মৰিগাঁও,8 মে’: শুকুৰবাৰে মৰিগাঁৱৰ বিভিন্ন ক’ভিড পৰীক্ষা কেন্দ্ৰত 2,852 গৰাকী লোকৰ ক’ভিড-19 পৰীক্ষা সম্পন্ন কৰা হয় । ইয়াৰে 187 গৰাকী ব্যক্তিৰ দেহত ধৰা পৰে ক’ভিড-19 ৰ অৱস্থিতি । যাৰ ফলত শুকুৰবাৰৰ দিনটোলৈকে মৰিগাঁৱত ক’ভিড ৰোগীৰ সংখ্যা 1,223 জনলৈ বৃদ্ধি হৈছে ।
পহিলা এপ্ৰিলৰ পৰা জিলাখনৰ মুঠ 44,346 গৰাকী ব্যক্তিক ৰেপিড এণ্টিজেন পৰীক্ষা সম্পন্ন কৰা হয় ৷ আক্ৰান্তসকলৰ ভিতৰৰ 474 গৰাকী ক’ভিড ৰোগীক হাস্পতালৰ পৰা অব্যাহতি দিয়া হৈছে । আনহাতে, শুকুৰবাৰে চিকিৎসাধীন 31 গৰাকী ক’ভিড ৰোগীক হাস্পতালৰ পৰা অব্যাহতি দিয়া হৈছে বুলি জিলা স্বাস্থ্য বিভাগে সদৰী কৰে ।