মৰিগাঁও,18 ফেব্ৰুৱাৰীঃমৰিগাঁৱৰ মৈৰাবাৰীত এগৰাকী মহিলাৰ আত্মহত্যা । মৈৰাবাৰী থানাৰ অন্তৰ্গত লেঙৰিবড়ী গাঁৱত বুধবাৰে নিচেই পুৱাতে ছফিকুল ইছলাম নামৰ লোকজনৰ পত্নী জেছমিনা বেগমৰ মৃতদেহ চিলিঙৰ ৰেলিঙত চিপ লৈ থকা অৱস্থাত পৰিয়ালৰ লোকে উদ্ধাৰ কৰে ৷
ঘটনা সন্দৰ্ভত মৈৰাবাৰী আৰক্ষীক জনোৱাত ঘটনাস্থলীত আৰক্ষী উপস্থিত হৈ জেছমিনাৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালয়লৈ প্ৰেৰণ কৰে । আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷ মহিলাগৰাকীৰ মাতৃগৃহৰ তৰফৰ পৰা ই এক পৰিকল্পিত হত্যাকাণ্ড বুলি দাবী কৰি মৈৰাবাৰী থানাত এক এজাহাৰ দাখিল কৰিছে ।
লগতে চাওকঃকোকৰাঝাৰ জিলা আমছুত কন্দল