মৈৰাবাৰীত উদ্ধাৰ ৰ'ড ভৰ্তি ট্ৰাক

যোৰহাটৰ পৰা চুৰি হোৱা ২৫টন ৰ'ড ভৰ্তি ট্ৰাক উদ্ধাৰ ধিং সমষ্টিৰ মৈৰাবাৰীত । এই চুৰিকাণ্ডৰ লগত জড়িত তিনিজনক আটক ।

মৰিগাঁও,৩০ জুনঃ ধিং সমষ্টিৰ মৈৰাবাৰীত উদ্ধাৰ যোৰহাটৰ পৰা চুৰি হোৱা ২৫ টন ৰ'ড ভৰ্তি ট্ৰাক । মৈৰাবাৰী আৰু যোৰহাট আৰক্ষীৰ যুটীয়া অভিযানত উদ্ধাৰ হয় যোৰহাটৰ পৰা চুৰি হোৱা ২৫ টন ৰড ভৰ্তি এখন ১২ চকীয়া ট্ৰাকসহ ২২ কুইন্টল ৰ'ড । লগত এই চুৰি কাৰ্যৰ লগত জড়িত তিনিজনক গ্ৰেপ্তাৰ কৰে আৰক্ষীয়ে ।

জানিব পৰা মতে, দুৰ্গাপুৰৰ পৰা আইজললৈ আহি থকাৰ সময়ত যোৰহাটৰ পৰা ভোলা দাসৰ এ এছ ০১ এফ চি ৭০২২ নম্বৰৰ ট্ৰাকখন চুৰি হৈছিল । চোৰকেইটাই ট্ৰাকখন জব্দ কৰি ৰ'ড সমূহ বিক্ৰী কৰিছিল মৈৰাবাৰী ৰিথা হাৰ্ডৱেত । অৱশেষত আৰক্ষীয়ে ট্ৰাক আৰু ৰ'ডসহ তিনিটা চোৰক আটক কৰিবলৈ সক্ষম হয় ।