মৰিগাঁৱত জব্দ চোৰাং চাউল

ব্যক্তিজনক চাউলখিনি সন্দৰ্ভত সোধপোচ কৰাত প্ৰথমে লাহৰীঘাটৰ দোকানৰ পৰা কিনি অনা বুলি কৈছিল যদিও সাংবাদিকে কৌশলেৰে প্ৰশ্ন কৰাত সুৰ সলনি হয় অসাধু ব্যৱসায়ীৰ

মৰিগাঁও, 9 আগষ্টঃ মৰিগাঁৱত জব্দ পাঁচ কুইণ্টল চোৰাং চাউল । ৰাইজে উদ্ধাৰ কৰি গতালে আৰক্ষীক । ঘটনা স্থলীৰ পৰা পলায়ন চাইদ আলী নামৰ চাউলৰ ক’লা বেপাৰীজন । জানিব পৰা অনুসৰি, লাহৰীঘাট বোৱালগুৰিৰ ছাইদ আলী নামৰ লোকজনে নম্বৰবিহীন এখন যাত্ৰীবাহী টেম্পুৰে চাউল বিক্ৰী কৰিবলৈ গৈছিল মৰিগাঁৱলৈ । ব্যক্তিজনক চাউলখিনি সন্দৰ্ভত সোধপোচ কৰাত প্ৰথমে লাহৰীঘাটৰ দোকানৰ পৰা কিনি অনা বুলি কৈছিল যদিও সাংবাদিকে কৌশলেৰে প্ৰশ্ন কৰাত সুৰ সলনি হয় অসাধু ব্যৱসায়ীটোৰ । ইয়াতে সন্দেহ বাঢ়ে ৰাইজৰ । পৰৱৰ্তী সময়ত ঘটনাস্থলীত আৰক্ষী উপস্থিত হৈ যদিও চেগ বুজি পলাই যাবলৈ সক্ষম হয় ছাইদ আলী । ইফালে উদ্ধাৰ হোৱা চাউল খিনি আৰক্ষীক চমজাই দিয়ে স্থানীয় ৰাইজে ।

উল্লেখ্য যে, যিখিনি সময়ত বানাক্ৰান্তই এমুঠি চালৰ বাবে হাহাকাৰ কৰিব লগা হৈছে তেনে সময়তে এনে চুৰি চাউল উদ্ধাৰ হোৱাৰ কাৰ্যই প্ৰতিক্ৰিয়া সৃষ্টি কৰিছে ।