মৰিগাঁও, 5 অক্টোবৰ:জাগীৰোড আৰু কাছাৰ কাগজ কল পুনৰুজ্জীৱিত কৰি তোলাৰ লগতে, কৰ্মচাৰীক ন্যায্যপ্ৰাপ্তি আদায় আদিৰ দাবীৰে সোমবাৰে সদৌ তিৱা ছাত্ৰ সন্থাৰ উদ্যোগত জাগীৰোডত তিনি ঘণ্টীয়া অৱস্থান ধৰ্মঘট কাৰ্যসূচী ৰূপায়ন কৰা হয় ৷ সদৌ তিৱা ছাত্ৰ সন্থাৰ জাগীৰোড, দেওশাল আৰু গোভা আঞ্চলিক সমিতিৰ উদ্যোগত ৰূপায়ন কৰা প্ৰতিবাদী কাৰ্যসূচীটোত কৰ্মচাৰী ইউনিয়নৰ সদস্য সকলেও অংশগ্ৰহণ কৰে ৷
ৰাজ্যৰ দুয়োটা কাগজ কল পুনৰুজ্জীৱিত কৰাৰ দাবীৰে জাগীৰোডত প্ৰতিবাদ জাগীৰোডস্থিত কাগজ কলৰ মুখ্যদ্বাৰৰ সন্মুখত প্ৰতিবাদ সাব্যস্ত কৰা প্ৰতিবাদকাৰী সকলে বিজেপি চৰকাৰক কঠোৰ ভাষাৰে সমালোচনা কৰাৰ লগতে, চৰকাৰক হুংকাৰ প্ৰদান কৰে ৷ প্ৰতিবাদকাৰী সকলে অসম চৰকাৰক শুই থকা চৰকাৰ বুলি অভিহিত কৰি তেওঁলোকৰ দাবী মানি নল'লে আগন্তুক সময়ত তীব্ৰ আন্দোলন গঢ়ি তুলিব বুলিও সকীয়নি প্ৰদান কৰে ৷ প্ৰয়োজনত মধ্য অসম অনিৰ্দিষ্ট কাললৈ বন্ধ কৰি ৰখাৰো হুংকাৰ প্ৰদান কৰে প্ৰতিবাকাৰী সকলে ৷ আনহাতে চৰকাৰক তেওঁলোকে ভাইৰাছ ৰূপী বুলি কৈ চৰকাৰখন মধ্য অসমৰ ৰাইজৰ বাবে ভাল নহয় বুলি উল্লেখ কৰে ৷
লগতে পঢ়ক:বদৰুদ্দিন আজমলৰ ভোট আমাক নালাগে: ৰনজিৎ দাস
