মৰিগাঁও , ১৫ জুন : মৰিগাঁৱত এখন অত্যাধুনিক ফিজিঅ' থেৰাপি চেন্টাৰ আনুষ্ঠানিক ভাৱে মুকলি কৰা হয় । মৰিগাঁৱৰ 'ডায়গনেষ্টিক চেন্টাৰ'ৰ নৱতম সংযোজন "হীৰক ফিজিঅ'থেৰাপি এণ্ড পেইন কেয়াৰ" খন শুকুৰবাৰে মুকলি কৰি ৰাইজৰ সেৱাত উৎসৰ্গিত কৰা হয় ।
ফিজিঅ' থেৰাপি চেন্টাৰ উদ্বোধন উপলক্ষে আয়োজিত উদ্বোধনী অনুষ্ঠানত অৱসৰ প্ৰাপ্ত চিকিৎসক তথা চিকিৎসাবিষয়া ডাঃ নকুল বৰুৱাই সভাপতিত্ব কৰে । এই উদ্বোধনী অনুষ্ঠানত ডা০ হিৰক জ্যোতি বৰাই এইবিধ চিকিৎসাৰ বিষয়ে বহল ব্যাখ্যা আগবঢ়ায় । মৰিগাঁৱৰ প্ৰাক্তন বিধায়িকা জোনজোনালী বৰুৱা , মৰিগাঁৱৰ জ্যেষ্ঠ সাংবাদিক প্ৰতাপ হাজৰিকা, অজিত শৰ্মা, শিল্পী ৰাজু দাস, সাহিত্যিক পেঞ্চনাৰ মিলেশ্বৰ পাতৰ, ডা০ জয়ন্ত কুমাৰ নাথকে প্ৰমুখ্য কৰি মৰিগাঁৱৰ ভালেখিনি গণ্য মান্য ব্যক্তি তথা চিকিৎসকে এই উদ্বোধনী অনুষ্ঠানত উপস্থিত থাকে । আটাইকেইগৰাকী অতিথিয়ে মৰিগাঁৱৰ সুসন্তান ডা০ হীৰকে মৰিগাঁৱৰ হৈ এনে পদক্ষেপ লোৱাৰ বাবে প্ৰশংসা কৰে ।