মৰিগাঁও, ১৮ মাৰ্চ: নিৰ্বাচনৰ দিন চমু চাপি অহাৰ লগে লগে প্ৰাৰ্থীসকলৰ নিৰ্বাচনী ব্যস্ততা বৃদ্ধি পাবলৈ ধৰিছে । তাৰে একাংশই নিজৰ নিজৰ মনোনয়ন পত্ৰ প্ৰত্যাহাৰ কৰিব ধৰিছে । তেনে দুগৰাকী প্ৰাৰ্থীয়ে বুধবাৰে নিজৰ মনোনয়ন উঠাই লয় মৰিগাঁও জিলাৰ দুই সমষ্টিত । মৰিগাঁও জিলাৰ তিনিটা বিধান সভা সমষ্টিৰ মনোনয়ন পত্ৰ প্ৰত্যাহাৰৰ অন্তিম দিনত দুই নিৰ্দলীয় প্ৰাৰ্থিয়ে প্ৰত্যাহাৰ কৰে নিজৰ নিজৰ মনোনয়ন পত্ৰ ।
জিলাখনৰ ৭৯ নং জাগীৰোড বিধান সভাৰ সমষ্টিৰ মুঠ চাৰিগৰাকী প্ৰাৰ্থীৰে মনোনয়ন পত্ৰ প্ৰত্যাহাৰৰ অন্তিমটো দিনত নিৰ্দলীয় প্ৰাৰ্থী দীপক দাসৰ মনোনয়ন প্ৰত্যাহাৰ । দীপক দাসৰ মনোনয়ন পত্ৰ পৰীক্ষণত বৈধতা লাভ কৰাৰ পিছত মনোনয়ন প্ৰত্যাহাৰৰ অন্তিমটো দিনত প্ৰাৰ্থীগৰাকীয়ে নিজৰ মনোনয়ন পত্ৰ প্ৰত্যাহাৰ কৰে বুলি জিলা প্ৰশাসনে সদৰী কৰিছে ।