ঐতিহাসিক চাৰণ বিলৰ পাৰত বনভোজকাৰীৰ ভিৰ

ক'ৰণা মহামাৰীৰ মাজতে আনন্দ উল্লাসেৰে ইংৰাজী নৱবৰ্ষক আদৰিলে দেশৰ লগতে ৰাজ্যবাসীয়ে ৷ ৰাজ্যৰ প্ৰায় বিলাক বনভোজস্থলীতে শুকুৰবাৰে দেখা গ'ল শতাধিক বনভোজকাৰী ভিৰ ৷ পিছ পৰি নাথাকিল মৰিগাঁও ঐতিহাসিক চাৰণ বিলৰ পাৰ ৷ মৰিগাঁৱৰ চাৰণ বিল পাৰ্কৰ বনভোজস্থলীত নাচি-বাগি, মাছ-মাংসৰে লগে-ভাগে তৃপ্তিৰে এসাঁজ খাই ইংৰাজী নৱবৰ্ষক আদৰিলে শতাধিক বনভোজকাৰীয়ে ৷

মৰিগাঁও, 1 জানুৱাৰী : 2021 চনৰ প্ৰথম দিনটোতে বনগীত, বিহুগীতৰে মুখৰিত হল চাৰণ বিলৰ বনভোজ স্থলী। ৰাজ্যৰ বিভিন্ন প্ৰান্তৰ লগতে মৰিগাঁৱৰ চাৰণ বিল পাৰ্কৰ বনভোজ স্থলীত আনন্দত মতলীয়া হৈ নাচি-বাগি, মাছ-মাংসৰে লগে-ভাগে তৃপ্তিৰে এসাঁজ খাই ইংৰাজী নৱবৰ্ষক আদৰিলে বনভাজকাৰী সকলে ৷

উল্লেখ্য যে, ইংৰাজী নৱবৰ্ষৰ পহিলা দিনটোত মৰিগাঁও ঐতিহাসিক চাৰণ বিলৰ পাৰত জিলাখনৰ বিভিন্ন অঞ্চলৰ পৰা শতাধিক লোক আহি নতুন বছৰক আদৰণি জানোৱাৰ উদ্দেশ্যে ভিৰ কৰে ।

লগতে পঢ়ক:অসমবাসীলৈ ইংৰাজী নৱবৰ্ষৰ শুভেচ্ছা জ্ঞাপন ৰণজিৎ কুমাৰ দাসৰ