খহনীয়াৰ বুজ ল'বলৈ লাহৰীঘাটত উপস্থিত সাংসদ প্ৰদ্যুৎ বৰদলৈ

খহনীয়াৰ কবলত পৰা লাহৰীঘাট আৰু ভুৰাগাঁও ৰাজহ চক্ৰৰ ৬৮ খন ৰাজহ গাঁৱৰ ভুক্তভোগী ৰাইজৰ কাষত প্ৰদ্যুৎ বৰদলৈ ৷ দিল্লীৰ দৰবাৰত এই মৌলিক সমস্যাটো সজোৰে উত্থাপন কৰাৰ দাবী সাংসদগৰাকীৰ ৷

মৰিগাঁও,11 জুন : মৰিগাঁৱৰ লাহৰীঘাটত গৰাখহনীয়াৰ বুজ ল'বলৈ উপস্থিত নৱ-নিৰ্বাচিত সাংসদ প্ৰদ্যুৎ বৰদলৈ ৷ গৰাখহনীয়াৰ কবলত পৰা মৰিগাঁও জিলাৰ লাহৰীঘাট আৰু ভুৰাগাঁও ৰাজহ চক্ৰৰ ৬৮ খন ৰাজহ গাঁৱৰ ভুক্তভোগী ৰাইজৰ কাষত উপস্থিত হৈ দিল্লীৰ দৰবাৰত এই মৌলিক সমস্যাটো সজোৰে উত্থাপন কৰিব বুলি উল্লেখ নৱ-নিৰ্বাচিত সাংসদগৰাকীৰ ৷

লাহৰীঘাটৰ ব্ৰহ্মপুত্ৰৰ গৰাখহনীয়া পৰিৰ্দশনকালত সাংসদগৰাকীক সংগ দিয়ে সমষ্টিটোৰ কংগ্ৰেছী বিধায়ক তথা প্ৰাক্তন মন্ত্ৰী ডাঃ নজৰুল ইছলামে ।