মৰিগাঁৱত সভাপতিৰ নহয় পুত্ৰৰ চহীৰে চলে কাম কাজ

মৰিগাঁওৰ এখন বিদ্যালয়ত পুত্ৰৰ দ্বাৰা পৰিচালনা সমিতিৰ সভাপতি পিতৃৰ নকল চহী কৰি চৰকাৰী কাম-কাজ চলাই প্ৰধান শিক্ষয়িত্ৰীয়ে ৷

মৰিগাঁও, 28 ছেপ্টেম্বৰ : মৰিগাঁও লাহৰীঘাট শিক্ষা খণ্ডৰ অন্তৰ্গত দক্ষিণ ৰূপহী শ্যামা প্ৰাথমিক বিদ্যালয়ত আজৱ কাণ্ড ৷ বিদ্যালয়খনৰ প্ৰধান শিক্ষয়িত্ৰী বাসনা মজুমদাৰে বিদ্যালয় পৰিচালনা সমিতিৰ সভাপতিগৰাকীৰ নকল চহী লৈ চলাই আছে চৰকাৰী কাম-কাজ ৷ এই অভিযোগ উত্থাপন কৰিছে স্বয়ং বিদ্যালয়খনৰ পৰিচালনা সমিতিৰ সভাপতি পৰিতোষ বিশ্বাসে ৷

উল্লেখ্য যে এই বিদ্যালয়তে অধ্যয়নৰত পৰিচালনা সমিতিৰ সভাপতিগৰাকীৰ পুত্ৰ। গতিকে পিতৃৰ পৰিৰ্ৱতে ছাত্ৰ পুত্ৰৰ দ্বাৰাই প্ৰয়োজনীয় চহী লৈ চৰকাৰী কাম-কাজ চলাই আহিছে প্ৰধান শিক্ষয়িত্ৰী গৰাকীয়ে ৷ এই কথা নিজেই স্বীকাৰ কৰিছে প্ৰধান শিক্ষয়িত্ৰী বাসনা মজুমদাৰে ৷ ইমানেই নহয় শিক্ষয়িত্ৰীগৰাকীৰ বিৰুদ্ধে অভিভাৱকৰো আছে একাধিক অভিযোগ। অভিভাৱকসকলৰ অভিযোগ যে মধ্যাহ্ন ভোজন যোগান ধৰাটো অনিয়মীয়াত বিদ্যালয়খন ।

লগতে পঢ়ক:চাৰি নৱ নিৰ্বাচিত বিধায়কৰ শপতগ্ৰহণ, প্ৰথম দিনাই সদন ত্যাগ বিৰোধী পক্ষৰ