মৰিগাঁও, 17 আগষ্ট :ৰাজ্যত ক'ভিড-19 ৰ ত্ৰাস অব্যাহত থকাৰ মাজতে সোমবাৰে মৰিগাঁৱত এক শোকাবহ দুৰ্ঘটনা সংঘটিত হয় ৷ ট্ৰা'কৰ চেপাত নিহত হয় পুতুলি হাজৰিকা নামৰ এগৰাকী মহিলা ৷
তথ্য অনুসৰি, বৰঙাবাৰীৰ নিবাসী যদুমণি হাজৰিকাৰ পত্নী পুতুলী হাজৰিকাই মন্দিৰলৈ আহি ঘৰলৈ উভতি যোৱাৰ পথত লাহৰীঘাট দিশৰ পৰা অহা তীব্ৰবেগী ট্ৰা'ক এখনে মহতীয়াই নিয়ে । ফলত ঘটনাস্থলীতে মৃত্যু হয় মহিলা গৰাকীৰ । সন্ধিয়া ভাগত AS 21 F 4160 নম্বৰৰ স্কুটীৰে মহিলা গৰাকী ঘৰলৈ গৈ থকা অৱস্থাত একে দিশৰ পৰা আহি থকা AS 09AC 2367 নম্বৰৰ তীব্ৰবেগী ট্ৰা'কখনে মহতিয়াই নিয়ে মহিলা গৰাকীক ৷ ইতিমধ্যে, মৰিগাঁও আৰক্ষী ঘটনাস্থলীত উপস্থিত হৈ ট্ৰা'কখনৰ চালক-হেণ্ডিমেনক আটক কৰিবলৈ সক্ষম হয় ৷
মৰিগাঁৱত ট্ৰা'কৰ চেপাত নিহত মহিলা