মৰিগাঁৱত বিষ্ণুৰাভা দিৱস পালন

ৰাজ্যৰ বিভিন্ন প্ৰান্তৰৰ লগতে মৰিগাঁৱৰ একাধিক অনুষ্ঠানৰ কমৰেড,বিপ্লৱী বীৰ ৰাভা দিৱস উদযাপন কৰি সোঁৱৰণ কৰিলে কলাগুৰু ৰাভা দেৱৰ আদৰ্শ

মৰিগাঁও, 20 জুনঃ আজি ৰাভা দিৱস । এই উপলক্ষে ৰাজ্যৰ বিভিন্ন অঞ্চলৰ লগতে মৰিগাঁৱতো বৰ্ণিল কাৰ্যসূচীৰে আয়োজন কৰে ৰাভা দিৱস । এই লৈ মৰিগাঁও জিলা কবি সন্মিলন,মুহিলা হোম বিদ্যালয়ৰ উদ্যোগত নিপুন বৰা স্মৃতি সদনত পুৱা বন্তিপ্ৰজ্বলন,পুষ্পাঞ্জলি অনুষ্ঠানৰ লগতে চাৰিজন কৃষক শ্ৰমিকক গামোচা, মানপত্ৰৰে সম্বদ্ধনা জনোৱা হয় ৷ একেদৰে জিলা সাহিত্য সভাই গুৰুচৰণ ভৱনত বিপ্লৱী জনাৰ জীৱন সংগ্ৰামৰ ওপৰত আলোচনা অনুষ্ঠিত কৰে । জিলা সাহিত্য সভাৰ সভাপতি বুবুমণি গোস্বামীয়ে পৌৰহিত্য কৰি কলাগুৰুৰ বিপ্লৱী সত্বাৰ প্ৰাসংগিকতাৰ ওপৰত এক সুন্দৰ আলোচনা আগবঢ়ায় ।

একেদৰে সদৌ অসম গ্ৰাম্য পুথিভঁৰাল সন্থাই গান্ধী ভৱন প্ৰেক্ষাগৃহত,নিখিল ভাৰত ছাত্ৰ ফেডাৰেচনে বিহুতলী প্ৰেক্ষাগৃহত পতাকা উত্তোলন,বন্তিপ্ৰজ্বলন কৰাৰ লগতে ৰাভা সংগীতৰ প্ৰতিযোগিতা অনুষ্ঠিত কৰে ।