অব্যাহত আছে সদৌ তিৱা ছাত্ৰ সন্থাৰ প্ৰতিবাদ

অসম নিৰ্বাচনী আয়োগে ৰাজ্যৰ আন আন স্বায়ত্ব পৰিষদৰ নিৰ্বাচনৰ দিন ঘোষণা কৰাৰ সমান্তৰালকৈ তিৱা স্বায়ত্ব পৰিষদৰ নিৰ্বাচনৰ দিন ঘোষণা কৰাত প্ৰতিক্ৰিয়াৰ সৃষ্টি হৈছে এতিয়া মধ্য অসমৰ তিৱা দল-সংগঠন সমূহৰ মাজত ।

মৰিগাঁও,17 নৱেম্বৰ: তিৱা স্বায়ত্ব পৰিষদৰ নিৰ্বাচন দিন ঘোষণা কৰাৰ পাছতেই প্ৰতিক্ৰিয়া ব্যক্ত কৰিছে তিৱা জাতীয় দল-সংগঠন সমূহে । কাৰ্যতঃ তিৱা স্বায়ত্ত পৰিষদক ষষ্ঠ অনুসূচীভুক্ত স্বায়ত্ত শাসন প্ৰদান আৰু অধিসূচনাত বাদ পৰি থকা ১২৪খন তিৱা অধ্যুষিত গাঁৱক তিৱা স্বায়ত্ত পৰিষদত অন্তৰ্ভুক্তিৰ দাবী জনোৱা হৈছে ৷ দাবী সমূহ পূৰণৰ বাবে সদৌ তিৱা ছাত্ৰ সন্থা আৰু সহযোগী তিৱা জাতীয় সংগঠনে গণ বিক্ষোভ,ৰাষ্ট্ৰীয় ঘাইপথ অৱৰোধ আৰু অৱশেষত ১২ ঘন্টীয়া মধ্য অসম বন্ধৰো আহ্বান জনাইছিল ৷ কিন্তু কোনো সুফল নাপালে দল-সংগঠনসমূহে ৷ ধাৰাবাহিক ভাৱে সদৌ তিৱা ছাত্ৰ সন্থাই প্ৰতিবাদ কৰাৰ স্বত্তেও এই ক্ষেত্ৰত কোনো গুৰুত্ব নিদিলে চৰকাৰে ৷ অৱশেষত নিৰ্বাচনী আয়োগে ঘোষণা কৰিলে তিৱা স্বায়ত্ব পৰিষদৰ নিৰ্বাচনৰ দিন ৷ দিন ঘোষণা হোৱাৰ পাচতেই সদৌ তিৱা ছাত্ৰ সন্থাৰ লগতে আন- আন বহু তিৱা সংগঠন সমূহৰ মাজত সৃষ্টি হৈছে এতিয়া প্ৰতিক্ৰিয়া ৷

অব্যাহত আছে সদৌ তিৱা ছাত্ৰ সন্থাৰ প্ৰতিবাদ

অন্য এক খবৰৰ বাবে: দেশৰ ভিতৰতে সৰ্বাধিক কিৱি উৎপাদনৰ দিশে অৰুণাচল