মৰিগাঁও,11 জানুৱাৰী : সদৌ অসম কৰ্মচাৰী পৰিষদৰ উপসভাপতি,জিলা কৰ্মচাৰী পৰিষদৰ প্ৰাক্তন সভাপতি তথা জালুগুটি উচ্চতৰ মাধ্যমিক বিদ্যালয়ৰ অধ্যক্ষ ৰমেশ বৰা আৰু নাই । জালুগুটি উচ্চতৰ মাধ্যমিক বিদ্যালয়ৰ অধ্যক্ষ ৰমেশ বৰাৰ দেওবাৰে নিশা উচ্চ ৰক্তচাপজনিত কাৰণত মৃত্যু হয় । মৃত্যুৰ সময়ত তেওঁৰ বয়স আছিল ৫৮ বছৰ । বৰাই ইহ সংসাৰত পত্নী,তিনি গৰাকী কন্যা আৰু এটি পুত্ৰ সন্তানক এৰি যায় । মৰিগাঁৱৰ বৰঙাবাৰী গাঁৱৰ লগতে মৰিগাঁও সমাজ জীৱন আৰু বিভিন্ন শৈক্ষিক প্ৰতিষ্ঠানৰ লগত জড়িত ৰমেশ বৰাৰ মৃত্যুত মৰিগাঁৱত গভীৰ শোকৰ ছাঁ পৰিছে । জিলা প্ৰাথমিক শিক্ষা বিষয়া কাৰ্যালয়ত ৰমেশ বৰাৰ নশ্বৰ দেহত শেষ শ্ৰদ্ধাৰ জনাই বিভিন্ন দল সংগঠনে ৷ মৰিগাঁও জিলা শিক্ষা বিষয়া ড৹ কমল জ্যোতি গগৈয়ে বৰাৰ কৰ্ম জীৱনৰ এক চমু আলোকপাত কৰি শ্ৰদ্ধাঞ্জলি জ্ঞাপন কৰে ।
কৰ্মচাৰী পৰিষদৰ উপসভাপতি ৰমেশ বৰাৰ শেষ নিশ্বাস ত্যাগ