মৰিগাঁৱত প্ৰলোভনকাৰী কোম্পানীৰ বিষয়াক লপা-থপা একাংশৰ

দেওবাৰে মৰিগাঁৱত SAVE SHOP নামৰ কোম্পানীৰ বিষয়াক লপা-থপা স্থানীয় ৰাইজৰ ৷ ৰুবুল কুমাৰ নাথ নামৰ এজন লোকক প্ৰলোভিত কৰাৰ পাচত প্ৰাপ্য় সামগ্ৰী বিচাৰি যোৱাত তেওঁক মাৰপিট কৰে কোম্পানীৰ বিষয়াসকলে ৷ পৰিস্থিতি উত্তপ্ত হোৱাত একাংশ স্থানীয় লোকে উত্তম-মাধ্যম শোধাই আৰক্ষীৰ হাতত গতাই দিয়ে বিষয়া কেইজনক ৷

মৰিগাঁও,30 নৱেম্বৰ : মৰিগাঁৱত দেওবাৰে SAVE SHOP নামৰ কোম্পানীৰ বিষয়াক উত্তম-মাধ্যম শোধায় বঞ্চিত যুৱকৰ সমৰ্থকে ৷ এখন চেমিনাৰত অংশগ্ৰহণ কৰিবলৈ গৈছিল মাৰ্জিত সাজ-পোছাক পৰিহিত যুৱককেইজনে ৷ এই ব্যৱসায়ত ৰুবুল কুমাৰ নাথ নামৰ এজন যুৱকেও অংশগ্ৰহণ কৰিছিল যদিও 5,700 টকা দিয়াৰ পাচতো নিজৰ পাবলগীয়া সামগ্ৰীখিনি লাভ কৰা নাছিল ৰুবুলে ৷

সেয়েহে নিজৰ প্ৰাপ্য বিচাৰি যোৱাত কোম্পানীটোৰ বিষয়া আৰু কেইজনমান লোকে একেলগ হৈ ৰুবুল নাথক মাৰপিট কৰাৰ অভিযোগ উত্থাপন হোৱাৰ পাচতে পৰিস্থিতি উত্তপ্ত হৈ পৰে ৷ একাংশ স্থানীয় লোকে মৰিগাঁও পবিতৰা সভাগৃহত উপস্থিত হৈ কোম্পানীটোৰ বিষয়াসকলক লপা-থপা দি আৰক্ষীক গতাই দিয়ে ৷

উল্লেখ্য় যে, এই চেইন চিষ্টেমছ ব্যৱসায়ৰ সৈতে জড়িত হৈ ইতিমধ্যে বহু লোকে প্ৰলোভনৰ সন্মুখীন হৈছে ৷ ঘটনা সন্দৰ্ভত তদন্ত আৰম্ভ কৰিছে মৰিগাঁও আৰক্ষীয়ে ৷

লগতে পঢ়ক :বিশ্বনাথত আৰক্ষী আৱাসৰ আধাৰশিলা স্থাপন মুখ্য়মন্ত্ৰী সোণোৱালৰ