লাহৰিঘাটত দুই ফৈদৰ মাজত ভূমি কেন্দ্ৰীক সংঘাত

মৰিগাঁৱৰ লাহৰিঘাটত দুটা পৰিয়ালৰ মাজত চলি থকা ভূমি কেন্দ্ৰীক বিবাদে হিংসাত্মক ৰূপ ধাৰণ ৷ শনিবাৰে

মৰিগাঁও,22 ফেব্ৰুৱাৰী: মৰিগাঁৱৰ লাহৰিঘাটত ভূমি কেন্দ্ৰীক বিবাদৰ ফলত দুটা ফৈদৰ মাজত সংঘাত ৷ মৰিগাঁও জিলা বৰচলা আৰক্ষী চকী অন্তৰ্গত গৰৈমাৰীত শনিবাৰে ভূমি কেন্দ্ৰীক বিবাদ লৈ দুটা পৰিয়ালৰ মাজত সংঘটিত হয় মাৰ-পিটৰ ঘটনা । ঘটনা অনুসৰি গৰৈমাৰীৰ মুস্তাক আহমেদৰ পৰিয়াল আৰু ছাহাব উদ্দিনৰ পৰিয়ালৰ মাজত দীৰ্ঘদিন ধৰি ভূমি কেন্দ্ৰীকক বিবাদ চলি আছিল ৷ অভিযোগ মতে, শুকুৰবাৰে দুই ফৈদৰ মাজত তৰ্ক-বিতৰ্ক হৈছিল যদিও শনিবাৰে পুনৰ মুস্তাক আহমেদে আৰু তেওঁৰ ককায়েক ভায়েকৰ সৈতে ছাহাব উদ্দিনৰ ঘৰত আক্ৰমণ কৰাৰ লগতে তিনি খনকৈ গাড়ী ভাঙি লণ্ড-ভণ্ড কৰে । লগতে মুস্তাক আহমেদৰ পৰি‌য়ালে ছাহাব উদ্দিনৰ পৰিয়ালৰ কেইবা গৰাকী মহিলা আৰু পুৰুষক বেয়া কৈ প্ৰহাৰে কৰে । ঘটনা সন্দৰ্ভত লাহৰীঘাটৰ বৰচলা আৰক্ষী থানাত এজাহাৰ দাখিল কৰে ভুক্তভোগী ছাহাব উদ্দিন পৰিয়ালে ।

কিন্তু বৰ্তমান বৰচলা আৰক্ষীয়ে ঘটনাটো তদন্ত নকৰি অভিযুক্ত মুস্তাকৰ লগত বহি আলোচনা কৰি গুচি য়ায় বুলি বৰচলা আৰক্ষীৰ বিৰুদ্ধে অভিযোগ তুলিছে ছাহাব উদ্দিনৰ পৰিয়ালে ৷ আনহাতে ছাহাব উদ্দিনৰ পৰিয়ালে তেওঁলোকৰ ঘৰৰ পৰা মুস্তাক আহমেদৰ পৰিয়ালে দুই লাখ ৬০ হাজাৰ টকাৰ লগতে অলংকাৰ লৈ যোৱা বুলিও অভিযোগ উত্থাপন কৰিছে ।

লগতে পঢ়ক:অসমৰ প্ৰথম গৰাকী ক্ৰীড়া ফটো সাংবাদিক তৰনীকান্ত বৰ্মনৰ দেহাৱসান