মৰিগাঁৱত গ্ৰেপ্তাৰ অবৈধ বাংলাদেশী নাগৰিক

2016 চনৰ বিদেশী ন্যায়াধিকৰণত FTC 140/16ত চলিছিল গোচৰ ৷ ঘটনাক লৈ সৃষ্টি  হৈছে তীব্ৰ প্ৰতিক্ৰিয়া ৷

মৰিগাঁও,24 ছেপ্টেম্বৰ: এন আৰ চিক লৈ ৰাজ্যজুৰি আন্দোলন অব্যাহত থকাৰ সময়তে মৰিগাঁৱত পুনৰ গ্ৰেপ্তাৰ হ'ল অবৈধ বাংলাদেশী নাগৰিক ৷ সোমবাৰে মৰিগাঁও সদৰ থানাৰ অন্তৰ্গত জ্বলাগাঁৱৰ বাসগৃহৰ পৰা মৰিগাঁও সীমান্ত আৰক্ষীয়ে আটক কৰে কামাল হোছেইন নামৰ অবৈধ বাংলাদেশী নাগৰিক জনক ৷ উল্লেখযোগ্য যে মৰিগাঁৱৰ বিদেশী ন্যায়াধীকৰণে ইতিমধ্যে চলিত বৰ্ষৰ জুন মাহতে বিদেশী বুলি ঘোষণা কৰিছিল কামাল হুছেইন নামৰ লোকজনক ৷ বিদেশী কামাল হুছেইনৰ বিৰুদ্ধে 2016 চনৰ বিদেশী ন্যায়াধীকৰণত FTC 140/16 ত চলিছিল গোচৰ ৷

উল্লেখ্য যে ধৃত কামাল হুছেইনৰ পিতৃ ইমৰাণ আলী ওৰফে তেজপুৰীয়া কিছু বছৰৰ পূৰ্বে মৰিগাঁৱৰ জ্বলাগাঁৱলৈ আহিছিল আৰু পূৰ্বৰ চৰকাৰৰ দিনতেই ইন্দিৰা আবাস গৃহকে ধৰি সকলো চৰকাৰী সুবিধা আদায় কৰিছিল ৷ ইয়াৰ পাছতেই মৰিগাঁও সীমান্ত আৰক্ষীয়ে আটক কৰি ইতিমধ্যে তেজপুৰৰ ডিটেনচন কেম্পলৈ প্ৰেৰণ কৰিছে কামাল হোছেইনক ৷ ৰাজ্যৰ চোদিশে এন আৰ চিক লৈ তীব্ৰ বাদ-বিবাদ চলি থকাৰ সময়তে এনেদৰে বিদেশী নাগৰিক গ্ৰেপ্তাৰ ঘটনাক লৈ মৰিগাঁৱত সৃষ্টি হৈছে তীব্ৰ প্ৰতিক্ৰিয়াৰ ৷