মৰিগাঁৱত ফেনীৰ ভয়াৱহ প্ৰভাৱ

ফেনীৰ প্ৰভাৱত মৰিগাঁৱত নেৰানেপেৰা বৰষুণ। খহি পৰিছে ৰাষ্ট্ৰীয় ঘাই পথ ।

মৰিগাঁও,৬ মে': মৰিগাঁও জিলাত পৰিছে ভয়াৱহ ফেনীৰ প্ৰভাৱ । ফেনীৰ প্ৰভাৱৰ ফলত নেৰানেপেৰা বৰষুণত খহিছে ৩৭নং ৰাষ্ট্ৰীয় ঘাই পথ । বিশেষকৈ যোৱা কেইদিনত হোৱা প্ৰৱল বৰষুণৰ ফলত ৰাষ্ট্ৰীয় ঘাই পথটোৰ মৰিগাঁও ধৰমতুলৰ বাছ আস্থানৰ সমীপত প্ৰায় এশমিটাৰ খহি যায় । অৱশ্যে স্থানীয় ৰাইজে এই দৃশ্য প্ৰত্যক্ষ কৰি এই সন্দৰ্ভত খবৰ দিয়ে জিলা প্ৰশাসনক।

ইফালে প্ৰশাসনৰ লোক ঘটনাস্থলীত উপস্থিত হৈ যাৱতীয় ব্যৱস্থা গ্ৰহণ কৰিছে । স্থানীয় ৰাইজৰ তৎপৰতাত ভয়াৱহ দুৰ্ঘটনাৰ পৰা হাত সাৰিছে বহুজনে ৷