মৰিগাঁও, ২৭ মে': শহুৰৰ ঘৰত ড্ৰাগছ ঘাটি পাতি আৰক্ষীৰ হাতত গ্ৰেপ্তাৰ হল জী-জোঁৱাই আৰু শহুৰ ৷ ৰ্দীঘদিন ধৰি ধৰমতুল অঞ্চলত মৈৰাবাৰী আৰক্ষী থানাৰ পলাশজাৰিৰ মাইনুল হক ওৰফে মহন্ত আৰু তেওঁৰ সহযোগীয়ে ড্ৰাগছৰ অবাধ বেহা চলাই আহিছিল । এই কাণ্ডত ক্ষোভিত হৈ বৃহস্পতিবাৰে তেলাহী নতেলাহীৰ ৰাইজে ৩০ টা ড্ৰাগছৰ কন্টেইনাৰসহ তেওঁলোকক হাতে-লোটে ধৰা পেলায় ৷
ইয়াকে লৈ নাৰমাৰী গ্ৰান্টত এক উত্তপ্ত পৰিস্থিতিৰ সৃষ্টি হয় । ঘটনাৰ কিছু সময়ৰ পাচতে ধৰমতুল থানাৰ আৰক্ষীৰ দল আহি পৰিস্থিতি নিয়ন্ত্ৰণলৈ আনে আৰু ড্ৰাগছ ব্যৱসায়ৰ লগত জড়িত থকাৰ অভিযোগত দুয়োজনকেই আটক কৰি অধিক তথ্য সংগ্ৰহ কৰিবলৈ সোধপোছৰ বাবে ধৰমতুল থানালৈ লৈ যায় ৷