মৰিগাঁও , 14 মে’: ক্ৰমাৎ, ড্ৰাগছ ব্যৱসায়ীৰ ঘাটিলৈ পৰ্যবসিত হৈছে জাগীৰোডৰ শিলভাগা বস্তি এলেকা । শেহতীয়াকৈ এইসকল ড্ৰাগছ ব্যৱসায়ীৰ বিৰুদ্ধে, অসামৰিক পোচাকত আৰক্ষীয়ে চলায় ড্ৰাগছ বিৰোধী অভিযান ।
উল্লেখযোগ্য যে, বৃহস্পতিবাৰে চলোৱা এক অভিযানত পৰা আৰক্ষীয়ে উদ্ধাৰ কৰিছে নিচাজাতীয় সামগ্ৰীৰ লগতে আৰু কিছু আপত্তিজনক সামগ্ৰী ৷ লগতে এক গোপন সূত্ৰৰ পম খেদি আৰক্ষীয়ে আটক কৰিছে জাগীৰোডৰ শিলভঙা অঞ্চলৰ ফৰিদুল ইছলাম নামৰ এটা কুখ্যাত ড্ৰাগছ সৰবৰাহকাৰীক ৷ আৰক্ষীৰ আগমনৰ উমান পাই ফৰিদুলে পলায়নৰ চেষ্টা চলাইছিল যদিও খেদি খেদি অৱশেষত ফৰিদুলক আটক কৰিবলৈ সক্ষম হয় আৰক্ষীয়ে ৷