জাগীৰোড, 13 মাৰ্চঃ শুকুৰাবাৰে নিশা জাগীৰোড আৰক্ষীয়ে চলোৱা এক অভিযানত, নিষিদ্ধ হেৰ'ইন জব্দ কৰাৰ লগতে ঘটনাৰ লগত জড়িত এজন অভিযুক্তক আটক কৰে ৷ জানিব পৰা মতে, শুকুৰবাৰে নিশা এক গোপন তথ্যৰ ভিত্তিত জাগীৰোড আৰক্ষীয়ে শিলভাগাত অভিযান চলাই মহম্মদ আলী নামৰ অভিযুক্ত ড্ৰাগচ ব্যৱসায়ী জনক আটক কৰিবলৈ সক্ষম হয় ৷ আটকাধীন লোকগৰাকীৰ ঘৰ জাগীৰোডৰ চাকু মাকু নামৰ এখন গাঁৱত ৷ আনহাতে আন্ধাৰৰ সুযোগ লৈ আন এগৰাকী অভিযুক্ত ঘটনাস্থলীৰ পৰা পলায়ন কৰে বুলি জানিবলৈ দিয়ে আৰক্ষীৰ লোকে ৷
জাগীৰোডত ড্ৰাগছসহ আটক এজন লোক