মৰিগাঁও, 12 চেপ্তেম্বৰ: এতিয়াৰে পৰা আধাৰ কাৰ্ডৰ বাবে দীঘলীয়া শাৰী পাতি হাট বজাৰত নিশা কটাব নালাগে মৰিগাঁৱৰ ৰাইজে ৷ অতি শেহতীয়াকৈ আধাৰ কাৰ্ড আবেদন কৰিবলৈ গৈ ৰাইজে দুৰ্ভোগ ভুগিব লগা হোৱাৰ বাতৰি সংবাদ মাধ্যমত প্ৰকাশ হোৱাৰ পাছতে তৎপৰ হৈ উঠিছে মৰিগাঁৱ জিলা প্ৰশাসন ৷ সকলোকে কভিড প্ৰটকল মানি চলিবলৈ আহ্বান জনাই মৰিগাঁও জিলা প্ৰশাসনে কয় যে অতি সোনকালেই জিলাখনত আধাৰ কাৰ্ড আবেদনৰ 60 টা নতুন কেন্দ্ৰ স্থাপন কৰা হ'ব ৷ সেয়ে ইমান খৰখেদা কৰাৰ কোনো প্ৰয়োজন নাই ৷
মৰিগাঁৱত স্থাপন হব 60 টা নতুন আধাৰ আবেদন কেন্দ্ৰ
উল্লেখ্য যে ইটিভি ভাৰত অসমত আধাৰ কাৰ্ডৰ বাবে মৰিগাঁৱৰ ৰাইজে সন্মুখীন হোৱা দুৰৱস্থাৰ বাতৰি প্ৰকাশ হোৱাৰ মাথো 12 ঘন্টাৰ ভিতৰতে মৰিগাঁও জিলা প্ৰশাসনক তৎপৰ হৈ উঠা দেখা গ'ল ৷