মৰিগাঁৱৰ শিশু গৃহত বিহুৰ আনন্দৰ জোৱাৰ

মৰিগাঁও বিহুতলী পৰিচালনা সমিতিৰ প্ৰশংসনীয় পদক্ষেপ । মৰিগাঁৱৰ শিশু গৃহত থকা সকলো শিশু আবাসীৰ সৈতে বিহু উদযাপন কৰিলে সমিতিখনে ৷ বিহুৱানৰে আদৰণি শিশুসকলক আদৰণি জনাই তেওঁলোকৰ বাবে যোগান ধৰিলে আহাৰ ৷

মৰিগাঁও, 16 এপ্ৰিল : লক ডাউনৰ মাজতে হেঁপাহৰ ৰঙালী বিহুটিৰ লগত সংগতি ৰাখি মৰিগাঁও বিহুতলী সমিতিয়ে গ্ৰহণ কৰিলে এক আদৰণীয় পদক্ষেপ ৷ এই সমিতিখনে মৰিগাঁৱৰ শিশু গৃহত থকা শিশু-কিশোৰসকলৰ সৈতে উদযাপন কৰিলে বিহু ৷ ফুলাম বিহুৱানৰে আদৰণি জনালে মৰিগাঁৱৰ শিশু গৃহত থকা শিশু-কিশোৰসকলক। লগতে যোগান ধৰিলে এসাজ আহাৰ।

এইদৰে ৰীতি-নীতিৰে পতাকা উত্তোলন কৰি পোনে পোনে শিশু গৃহত উপস্থিত হৈ শিশু গৃহত থকা সকলো আবাসীক বহাগ বিহুৰ ওলগ জনালে বিহুতলী পৰিচালনা সমিতিয়ে ৷

লগতে পঢ়ক : মৰিগাঁৱত ব্যতিক্ৰমী ৰূপত উদযাপন গোসাঁই বিহুৰ পৰম্পৰা