মৰিগাঁও, 18 ডিচেম্বৰ :মৰিগাঁও গান্ধী ভৱনৰ বাকৰিত সদৌ মৰিগাঁও জিলা ছাত্ৰ সন্থাই শনিবাৰে প্ৰথমবাৰৰ বাবে অসম কেশৰী অম্বিকাগিৰী ৰায়চৌধুৰীৰ জন্মজয়ন্তী (Asom Keshari Ambikagiri Roychoudhury birth anniversary) উপলক্ষে শ্ৰদ্ধাৰে সোঁৱৰণ কৰা হয় মহীৰূহগৰাকীক । মহীৰূহগৰাকীৰ প্ৰতিচ্ছবিত তিনিগছি বন্তি প্ৰজ্বলন কৰে ক্ৰমে বিশিষ্ট সাংবাদিক অজিত শৰ্মা, মৰিগাঁও জিলা ছাত্ৰ সন্থাৰ সভাপতি দিপুল কুমাৰ নাথ আৰু সম্পাদক ৰূপজ্যোতি মেধিয়ে । আনহাতে পুষ্পাঞ্জলি অৰ্পণ কৰে মৰিগাঁও জিলা মিডিয়া ক্লাৱৰ সভাপতি ৰাতুল ডেকা, ফটো সাংবাদিক ৰঞ্জন দাস, অসম নিউজ চেনেলৰ মৰিগাৱঁৰ সাংবাদিক ভৰত কুমাৰ নাথে ৷
মৰিগাঁৱত আছুৰ উদ্যোগত অসম কেশৰীৰ জন্মজয়ন্তী উদযাপন উল্লেখ্য যে, অম্বিকাগিৰী ৰায়চৌধুৰী কুৰি শতিকাৰ অসমৰ এজন খ্যাতমান কবি, গীতিকাৰ, গায়ক, শক্তিশালী গদ্য লেখক, সংবাদ সেৱী, আলোচনী সম্পাদক, দেশপ্ৰেমিক, সমাজ সেৱক আৰু ভাৰতৰ স্বাধীনতা সংগ্ৰামৰ অগ্ৰণী সংগ্ৰামী সেনানী । ওৰে জীৱন অসম আৰু অসমীয়াৰ স্বাৰ্থৰ হকে মাত মতা আৰু জাগৰণৰ চেতনা সঞ্চাৰিত কৰিবলৈ চেষ্টা কৰা বাবে তেখেতক ‘অসম কেশৰী’ উপাধিৰে সম্বোধিত কৰা হয় । ১৯৫০ চনত তেখেত অসম সাহিত্য সভাৰ সভাপতি হিচাপে নিৰ্বাচিত হৈছিল । অনুষ্ঠানত ৰাজ্যিক সাংবাদিকতা বঁটাৰে বিভূষিত বিশিষ্ট সাংবাদিক অজিত শৰ্মা আৰু জিলা ছাত্ৰ সন্থাৰ সভাপতি দিপুল কুমাৰ নাথে মহীৰূহগৰাকীৰ জীৱন দৰ্শনৰ ওপৰত বিস্তৃতভাৱে আলোকপাত কৰে ।
মৰিগাঁৱত আছুৰ উদ্যোগত অসম কেশৰীৰ জন্মজয়ন্তী উদযাপন লগতে পঢ়ক :জোনাইত পাঁচ মিচিং জাতীয় সংগঠনৰ যৌথ অধিৱেশনৰ প্ৰস্তুতি তুংগত
