মৰিগাঁও,21 চেপ্তেম্বৰ: পুষ্টিহীনতা দুৰ কৰাৰ উদ্দেশ্যে প্ৰতিবছৰে চেপ্তেম্বৰ মাহটোক পালন কৰা হয় পোষণ মাহ হিচাপে ৷ তাৰ বাবে চৰকাৰে গ্ৰহণ কৰিছে কেতবোৰ বিশেষ আঁচনি । এই কাৰ্যসূচীৰ অংশৰূপে মৰিগাঁও জিলা সমাজ কল্যাণ বিভাগৰ উদ্যোগত সোমবাৰে পালন কৰা হৈছে পোষণ অভিযানৰ এলানি কাৰ্যসূচী ৷
আদৰ্শ অংগনবাদী কেন্দ্ৰ মুকলি
জিলাখনৰ শুখনাগোগত 407 নং অংগনবাদী কেন্দ্ৰটো আদৰ্শ কেন্দ্ৰৰূপে সোমবাৰে মুকলি কৰে সমষ্টিটোৰ বিধায়ক ৰমাকান্ত দেউৰী আৰু জিলা উপায়ুক্ত লীনা দাসে ৷ কেন্দ্ৰটোৰ ফিটা কাটি বিধায়ক আৰু জিলা উপায়ুক্তগৰাকীয়ে পোষণ মাহ উপলক্ষে প্ৰস্তুত কৰা বিভিন্ন আহাৰৰ জুতি লৈ উপস্থিত ৰাইজৰ মাজত ফল-মূলৰ বীজ বিতৰণ কৰে ৷