ছাত্ৰী অপহৰণঃ যৌন নিৰ্যাতন চলাই মুকলি কৰিলে অপহৰণকাৰীয়ে

নৱম শ্ৰেণীৰ ছাত্ৰীক অপহৰণ কৰি শাৰীৰিক অত্যাচাৰ চলাই মুকলি কৰি দিয়ে আশ্ৰফ নামৰ এগৰাকী বিবাহিত লোকে

মৰিগাঁও, 25 এপ্ৰিলঃ মৰিগাঁৱত সংঘটিত হৈছে এক জঘন্য় ঘটনা ৷ নৱমমান শ্ৰেণীত অধ্যয়নৰত এগৰাকী ছাত্ৰীক বিদ্যালয়লৈ যোৱাৰ পথতে অপহৰণ কৰি পৰৱৰ্তী সময়ত মুকলি কৰি দিয়ে অপহৰণকাৰীয়ে ৷ অপহৃত ছাত্ৰী গৰাকীৰ অভিযোগৰ ভিত্তিত আৰক্ষীয়ে ৰুজু কৰিছে এক গোচৰ ৷

ভুক্তভোগী ছাত্ৰী

মৰিগাঁও জিলাৰ মিকিৰভেটা আৰক্ষী থানাৰ ভিতৰুৱা কালিকাজি গাঁৱত সংঘটিত হৈছে এই ঘটনা ৷ জিলাখনৰ গৰৈমাৰীৰ বাসিন্দা তথা পেচাত এগৰাকী দৰ্জী আশ্ৰফ নামৰ লোকজনে সংঘটিত কৰিছে এই ঘটনা ৷ বিদ্যালয়লৈ যোৱাৰ পথতেই ছাত্ৰীগৰাকীক অপহৰণ কৰি নগাঁৱৰ এখন হোটেলত ৰাখি যৌন নিৰ্যাতন চলায় ৷ পৰৱৰ্তী সময়ত ছাত্ৰীগৰাকীক মুকলি কৰি দি এই বিষয়ে উল্লেখ কৰিলে প্ৰাণ নাশৰ ভাবুকি প্ৰদান কৰে আশ্ৰফে ৷ ইতিমধ্যে ভুক্তভোগী ছাত্ৰীগৰাকীৰ অভিযোগৰ ভিত্তিতে পৰিয়ালৰ লোকে বৰছলা আৰক্ষী থানাত 140/19 নম্বৰত এক গোচৰ ৰুজু কৰি তদন্ত আৰম্ভ কৰিছে ৷