মৰিগাঁও, 2 আগষ্টঃদেওবাৰে মৰিগাঁৱত উপস্থিত হয় অসম চৰকাৰৰ ৰাজ্যিক স্বাস্থ্যমন্ত্ৰী তথা জাগীৰোডৰ বিধায়ক পীয়ূষ হাজৰিকা ৷ মুখ্যমন্ত্ৰী সমগ্ৰ গ্ৰাম্য উন্নয়ন আঁচনিৰ দ্বিতীয় পৰ্যায়ৰ ট্ৰেক্টৰ বিতৰণৰ শুভাৰম্ভণী কৰে মন্ত্ৰী পীয়ূষ হাজৰিকাই ।
জাগীৰোডত সত্তৰ শতাংশ ৰেহাই মূল্যত ট্ৰেক্টৰ বিতৰণ মন্ত্ৰী পীয়ুষ হাজৰিকাৰ দেওবাৰে মৰিগাঁও জিলা কৃষি বিভাগৰ উদ্যোগত জাগীৰোড গড়কাপ্তানি বিভাগৰ পৰিৰ্দশন বাংলোৰত অনুষ্ঠিত মুখ্যমন্ত্ৰী সমগ্ৰ গ্ৰাম্য উন্নয়ন আঁচনিৰ অধীনত কৃষি আৰু বাণিজিক গোটৰ মাজত ট্ৰেক্টৰ বিতৰণৰ শুভাৰম্ভ কৰে মন্ত্ৰী পীয়ূষ হাজৰিকাই । এই অনুষ্ঠানত উপস্থিত থাকি মন্ত্ৰী জনে সাংবাদিকৰ আগত মন্তব্য কৰে যে, সোণোৱাল চৰকাৰখনে তথা মুখ্যমন্ত্ৰী সৰ্বানন্দ সোণোৱালে ৰাজ্যৰ দুখীয়া কৃষকৰ বাবে হাতত লৈছে 'সমগ্ৰ গ্ৰাম্য উন্নয়ন আঁচনি' ৷ ইফালে এই আঁচনিৰ জৰিয়তে প্ৰথম পৰ্যায়ত বহু লোকে লাভ কৰিলে ট্ৰেক্টৰ ৷ আনহাতে, দ্বিতীয় পৰ্যায়তো এই আঁচনিৰ জৰিয়তে আৰম্ভ হৈছে ট্ৰেক্টৰ বিতৰণ প্ৰক্ৰিয়া ৷
এই মুখ্যমন্ত্ৰী সমগ্ৰ গ্ৰাম্য উন্নয়ন আঁচনিৰ দ্বিতীয় পৰ্যায়ৰ ট্ৰেক্টৰ বিতৰণৰ শুভাৰম্ভ কৰিবলৈ পাই মই নিজকে ধন্য মানিছো । যই নিজেও পৰোক্ষ আৰু প্ৰত্যক্ষ ভাবে কৃষি কৰ্মৰে জড়িত । সেয়ে চহা কৃষকৰ মৰ্ম বেদনাৰ বিষয়ে মই ভালদৰে জানো । আমাৰ চৰকাৰৰ এই আঁচনিৰে ৰাজ্যৰ গ্ৰাম্য অৰ্থনীতিত সুদূৰপ্ৰসাৰী প্ৰভাৱ পেলাব । এই আঁচনিয়ে ৰাজ্যৰ গ্ৰাম্য কৃষি অৰ্থনীতত আমোল পৰিৰ্ৱতন ঘটাব । ইতিমধ্যে ৰাজ্যৰ প্ৰতিখন গাঁৱত এই আঁচনিৰ জড়িয়তে ৮০০০ হাজাৰ টা গোটৰ মাজত বিতৰণ কৰা হৈছে এই সুলভমূল্যৰ ট্ৰেক্টৰ ।
জাগীৰোড সমষ্টিটো দিয়া হৈছে বহু কেইখন ট্ৰেক্টৰ । আঠ লাখ টকীয়া ট্ৰেক্টৰ মাত্ৰ আঢ়ৈ লাখ টকাতে পাইছে কৃষকে। বাকী চাৰে পাঁচলাখ টকা আমাৰ চৰকাৰে বহন কৰিব । কৃষকক সত্তৰ শতাংশ ৰেহাই মূল্যত ট্ৰেক্টৰ দিয়াৰ বাবে ৰাজ্যৰ গ্ৰাম্য অৰ্থনীতিত সুদূৰপ্ৰসাৰী প্ৰভাৱ পেলাব বুলি মন্তব্য কৰে ৰাজ্যিক মন্ত্ৰী পীয়ূষ হাজৰিকাই ৷
লগতে পঢ়ক- মহানগৰীত যান-বাহন আৰক্ষীৰ তালাচী অভিযান
