মৰিগাঁও, 17 ছেপ্টেম্বৰ : মৰিগাঁৱত বিশিষ্ট মুকাভিনেতা মুকুন্দ নাথৰ নেতৃত্বত মুখাভিনয়ৰ ৭ দিনীয়া আবাসিক কৰ্মশালা ৷ মৰিগাঁও মুখা কালচাৰেল চেন্টাৰে বিগত ১০ বছৰ ধৰি মৰিগাঁৱৰ সমান্তৰালকৈ দেশৰ বিভিন্ন ঠাইত মুকাভিনয় আৰু নাট প্ৰদৰ্শন কৰি আহিছে । ভাৰতৰ বিভিন্ন ঠাইত কৰ্মশালা আয়োজন কৰি মুকাভিনয় কলাটোৰ প্ৰচাৰ আৰু প্ৰসাৰ কৰাৰ ক্ষেত্ৰত হাতত লৈছে বহু কাৰ্যসূচী ।
একেদৰে আগন্তুক দিনত মুখাভিনয়ক মৰিগাঁৱৰ যুৱপ্ৰজন্মৰ মাজত জনপ্ৰিয় কৰাৰ উদেশ্যৰে মৰিগাঁৱত মুকুন্দ নাথৰ নেতৃত্বত ১০ দিনীয়াকৈ মুকাভিনয়ৰ আবাসিক কৰ্মশালা অনুষ্ঠিত কৰা হৈছে । উল্লেখযোগ্য এই আবাসিক কৰ্মশালাৰ জৰিয়তে আগন্তুক দিনত মাইম একাডেমীৰ উদ্যোগত ৰাষ্ট্ৰীয় পৰ্যায়ত অনুষ্ঠিত হ’ব লগা প্ৰতিযোগিতাত অংশ গ্ৰহণৰ বাবে চেষ্টা অব্যাহত ৰাখিছে । ঐতিহাসিক পটভূমিত বিৰচিত শৰাইঘাট ৰণ নাটৰ জৰিয়তে অসমীয়া বীৰগাঁথাক পুনৰ এৰাব উদ্ভাসিত কৰা প্ৰয়াস কৰা হৈছে । কৰ্মশালাত ৰাজ্যখনৰ বিভিন্ন স্থানৰ বহুকেইজন যুৱক যুৱতীয়ে অংশ গ্ৰহণ কৰে ।