মৰিগাঁও, ২৫ ফেব্ৰুৱাৰী: তিনিটা দশকৰ পিছত অৱশেষত নিৰ্মাণ কৰা হ'ল মৰিগাঁও জিলা বিদ্যালয়সমূহৰ পৰিদৰ্শকৰ স্থায়ী কাৰ্যালয় । বৃহস্পতিবাৰে আনুষ্ঠানিকভাৱে মৰিগাঁও জিলাৰ বিদ্যালয়সমূহৰ পৰিদৰ্শকৰ নতুন কাৰ্যালয় উদ্বোধন কৰা হয় ।
কাৰ্যালয়টো উদ্বোধন কৰে জিলা প্ৰাথমিক শিক্ষা বিষয়া, সৰ্বশিক্ষা অভিযান মিছনৰ সমন্বয়ক তথা বিদ্যালয়সমূহৰ পৰিদৰ্শক ডঃ কমল জ্যোতি গগৈয়ে । নাম-প্ৰসংগ কৰি ধৰ্মীয় ৰীতি-নীতিৰে নতুন কাৰ্যালয়ত প্ৰৱেশ কৰে বিষয়া-কৰ্মচাৰীসকলে । এই অনুষ্ঠানত জিলাখনৰ আটাইকেইটা শিক্ষক সংগঠনৰ সভাপতি, সম্পাদক উপস্থিত থাকে ।